هند بغصه : سميه حتى وهي ميته معكنن عليا حياتي طول الوقت سرحان وبيفكر فيها وبيلوم نفسه على موتها بيقول انه هو اللي اهملها..عشان وصلت لكده.
شمس :ياحبيبتي سميه ماتت انتي كده بتخربي حياتك..على حاجه مالهاش اساس…
هند : انتي مش حاسه بيا .. انا تعبت خلاص.. لما كنت حامل مكنش جنبي وانا كنت محتجاله وقتها سابني وراح يفسحها براا مقولتش حاجه..ومعترضتش…
خلفت بنتي وهو مش جنبي..داير وراها من حكيم لحكيم ….ولما ماتت ورجع..فضل شهر مبيتكلمش معايا..ولا حتى يعبرني وطول الوقت مكشر فوشي ..وكأني السبب في موتها..
شمس : ياحبيبتي دي مراته وعشرت عمر اكيد هيتعب لما تموت بالشكل ده ..
هند: مش بس هو اللي تعبان ..انا كمان تعبانه وخلاص مبقاش فيا حيل… تعبت..تعبت قوي ياشمس وهو مش
حاسس بيا.. لتجهش بالبكاء وتقول وسط شهقاتها مشكلتي اني بحبه ومش قادره ابعد عنه..
ربتت الآخرة على كتفها لتقول :اقلها انتي عارفه ان عمران اختارك واتجوزك عشان رايدك وبيحبك انما ..لتصمت وتهبط دموعها بقهر ..
مسحت هند.دموعها لتقول : حقك عليا ياشمس انا عارفه اللي فيكي مكفيكي..
شمس بشهقات : ليه لما نبقى قافلين على قلوبنا بالمفتاح نقابل اكثر حد هيوجعنا ونسلمه المفتاح من كيفنا و برضانا عشان يدعس في كل مره ويسبنا نكره الساعه االلي عرفناهم فيها..ابتعدت عنها هند وهي تمسح دموعها…
هند :انتي كويسه..
شمس بغصه : لا مش كويسه بحس بروحي بتتسحب مني…معرفش اعمل ايه قلبي وجعني قوي ياهند..