سيف:براحه على نفسك احسن يطقلك عرق.
أسيل:ما تبطل رغى الحريم ده وتجيب اخرك
سيف ضحك بسخرية:شايف انك مش خايفه
أسيل:مش بخاف من الى زيك
سيف:زى
أسيل:مجرم لا وفاشل كمان
سيف حط المسدس على راسها بحركه سريعه غمضت أسيل عينيها بخوف
سيف ضحك:بتخافى اهو
أسيل:مش منك اكيد انت انسان مريض وعندك نقص فبتعوضه بالاجرام اصلا كل المجرمين ايه غير مرضى نفسين
سيف:يعنى زيك مش انتى برضو مريضه نفسيه وله ايه
أسيل سكتت بصدمه
سيف نزل المسدس:انا عارف كل حاجه عنك يا أسيل
أسيل:عارف عارف ايه
سيف ابتسم وساب المسدس ومسك ريموت:عارف كل حاجه انتى المحاميه أسيل بنت الاسطا كريم سواق التاكسي إلى ربنا يرحمه إلى مكنتيش بتحسى بأمان غير معاه ومن ساعت ما مات وانت. مفتقده الامان
وبتتعالجى من خوفك وبنت فريده الموظفه الغلبانه إلى كل همها راحه بناتها وسعادتهم
فتح الشاشه وكانت متقسمه بين كل الى تعرفهم وبتحبهم
كمل سيف:وهى ياعينى بتصلى وتدعى بنتها ترجع بالسلامه وعندك اخت اكبر منك اسمها ساره مدرسه رسم ومتجوزه شريف موظف زى مامتك وكلهم بيحبوكى اه وكمان سبب كل ده صاحبتك اللانتيم منه يعينى بتدور على