سامية بفرحة:ربنا يكملك بعقلك يا عين أمك أنا هروح أقول لأبوكي عن قرارك
نظرت لها نهاد بحزن ليه كده يا سمر بعد ما ضيعت سنه من عمرك عشان تخصص الي انت عاوزاه تضيع السنه دي كمان؟
سمر بصوت مخنوق: انت ما شفتيش ماما كانت بتبص لي ازاي؟
كلامها يبان انه موجه الينا بس هي في الحقيقه كلامها لي انا بس هي كانت بتطلب مني انا اسيب الجامعه عشان شايفاني ما عنديش فيها عشان ما بذلتش مجهود زيك انت
مع إني و الله بعمل الي عليا و ذياده أنا لو كنت كتيره نوم وقت الإمتحانات فدا عشان بهرب من التوتر بالطريقة دي مش عشان مكسله و مش فارقلي زي ما إنتو فاكرين
نهاد كانت تضم أختها و تهدئها وهي تشعر بذنب لترك أختها لجامعتها بسببها
بعد ايام كان هاتف ساميه يرن لتجيب سمر: الو السلام عليكم يا طنط أزيك وازاي جنى عاملين ايه؟
بجد يعني فرح سامح بعد اسبوع؟ الف مبروك اه احنا كويسين ما عاد امي اصلها تعبانه اليومين دول والدكتور قال
لازم لها راحه معلش بقى مش حتعرف تساعدك المره دي عشان تعبها خلاص حاضر هنكون أول الموجودين
اقفلت الخط لتجد امها واختها تنظران لها
سمر: في أيه بتبوصولي كده ليه خضيتوني
ساميه: كنتي بتكلمي مين؟