نهاد كانت في الغرفه توضب السرير عندما سمعتهما لتخرج و ترحب بهما بارتباك
نهاد:إنتو جيتو؟ إحنا كنا نازلين حالا
جيهان بامتعاض:إنتي مكونتيش عايزانا نيجي ولا إيه؟ على العموم مايان كانت عايزة تشوف الشقه بعد ما
فرشناها عشان معرفتش تيجي من ساعة الفرح
نهاد:لا طبعا مكانش قصدي إتفضلو هجيبلكم حاجه تشربوها
دخلت المطبخ بعد أن غمزت لزوجها لكي يلحقها
أيمن:نعم
نهاد:نعم إيه روح أقعد معاهم عقبال ما اخلص الي في إيدي
أيمن:لا أعذريني مش هينفع مليش أنا في قعدة الستات
تركها و خرج من البيت لتسرع بوضع العصير في الكؤوس و تخرج لهم و تتفاجأ أنهم غير موجودين في الصالون
لتضع الصينية كانت تفكر أن زوجة عمها غضبت من طريقتها و نزلت مع مايان و قبل أن تلحقهم لنعتذر إن كان بدر منها ما أزعجهم سمعت صوت جيهان قادم من غرفتها
؛ودي أوضة النوم إيه رأيك؟
مايان،: دي حلوه ألوان الأوضة لايقة مع الملاية و الستاير
جيهان:أه قولتلك ذوقها حلو
مايان بمرح:إنتي الي ذوقك حلو إنك جبتيها كنة ليكي كويس إنك خليتيه سمع كلامك
جيهان:أمال إيه نهاد دي متتعوضش