أدهم هز راسه بالإيجاب و هو بيقول ببرود و خبث : صح ، بس خلي بالك يا مراد ، لإني المرة دي مش هتنازل ، سلمي هتبقي مراتي أنا ، و هقهرك و أنت شايفها في إيدي زي ما أنا مقهور دلوقتي .
مراد مسكه من هدومه بنرفزة و قال بنبرة تهديد و حدة : أقسم بالله يا أدهم ، لو قربت منها ، أنا مش هعمل حساب لحد ، لا كبير و لا صغير ، و هنسي إنك ابن عمي ، و ساعتها هتبقي عدوي ، و أنت لو بقيت عدوي ف أجهز لخسارتك من دلوقتي .
أدهم نزل إيد مراد ببرود و قال : أفتكر كلامك دا كويس ماشي ، اي رأيك لما نخلف أنا و هي نسمي ابننا مراد ، أصل بصراحة عاوز اسمك يتردد في وداني دايمآ .
مراد قال بشر : أنت الي عملت العداوة دي يا أدهم .
يتبع…
مراد قال بشر : أنت الي عملت العداوة دي يا أدهم .
أدهم أبتسم و سابه و دخل أوضته .
مراد فضل باصصله لحد ما قفل الباب و بعدها أفتكر كلامه لما قال ل جدو و عمه فتحي أنا عاوز أتكلم معاكوا .
فلاش باك قبل يوم واحد .
جده : خير يا مراد ؟؟ .
مراد : بص يا جدي ، أنا مش هسيب سلمي ، أنا فضلت سنتين قافل علي مشاعري لحد ما ألاقي وقت مناسب أخرجها ، و أنا الي جبت سلمي الشركة عشان تبقي قدام عيني ، و عملت عشانها كتير أوي ، و ربنا عوض