ميليسا : و الله يا طنط نفسي ، بس الشغل كله بقا برا ، لازم أصفي كل حاجة برا عشان أعرف أجي هنا تاني ، بس يمكن إن شاء الله .
مراد : جدو عاوزك أنت و بابا في موضوع .
الجد بص ل أدهم و بعدها بص ل مراد و قال : تعالي .
ميليسا همست ل أدهم و هي بتقول : هو في اي ؟؟؟ .
أدهم : تعالي عاوز أحكيلك ، هنقعد برا شوية يا ماما .
نجوي بتنهد : ماشي يا ابني .
في الجنينة برا .
ميليسا بصدمة : يعني أنت بتحب سلمي حبيبة مراد !!!!! .
أدهم : يا ميليسا و الله مكنتش أعرف إنه بيحبها ، يعني أنا حبتها و كنت هروح أتقدملها بس عرفت إن مراد بيحبها .
ميليسا بدموع : ازاي دا !! .
أدهم بإستغراب : هو اي مش فاهم ؟! .
ميليسا بتوتر و دموع : قصدي يعني الموضوع صعب و كده ، و إنكو ولاد عم يعني ، و كده فيه مشاكل هتحصل ، طب و أنت هتعمل اي ؟؟؟ .
أدهم أتنهد و قال : مستني ردها عليا .
ميليسا أبتسمت بسخرية و قالت بتلقائية : رد اي يا أدهم !!! ، سلمي بتحب مراد .