قامت بس يامن مسك إيديها و قال : و مين قالك إني هاخد منك الفلوس ، أصلآ ساعتها فلوسي هتبقي هي فلوسك .
رحمه سحبت إيديها من إيده بتوتر و قالت بعدم فهم : مش فاهمه .
يامن قال بهدوء و إبتسامة : رحمه أنا بحبك ، و عاوز أتجوزك ، و لو وافقتي عليا أول ما ننزل مصر هاجي أقابل
أهلك و أطلبك منهم ، و هتجوزك و هتيجي تعملي العملية هنا .
رحمه أتصدمت و عيطت جامد و قالت بعصبية : أنت مبتحبنيش أنت مُشفق علي حالتي ، بس الغلط عليا أنا ، أنا الي سمحت بدخولك في تفاصيل حياتي و المفروض الي بينا يكون تفاصيل الشغل و بس ، و أنت أكيد صعب عليك حياتي الي كنت بحكيلك عنها و قولت ما أتجوزها و أعملها العملية و أكسب فيها ثواب .
يامن بصدمة : أنتي بتقولي اي أنتي مجنونة !!!!! ، لاء و الله العظيم كل الي أنتي قولتيه دا غلط ، رحمه أنا بحبك بجد و الله و من قبل ما أعرف إنك تعبانة حتي .
رحمه بعياط و عصبية : متكدبش عليا يا يامن ، يعني أنت سايب أيام ربنا كلها و جاي في اليوم الي عرفت فيه إني مريضة و تقولي بحبك !!!!!! ، عاوزني أصدقك ازاي !!!!! .
يامن بدموع و صدمة من الي هي بتقوله : رحمه أسمعيني بس ، و الله العظيم دي صدفة ، أنا من بدري و أنا عاوز أقولك بس مكنتش عارف أبدأ معاكي ازاي ، أنا قولتها دلوقتي عشان حسيت إن دا الوقت المناسب الي لازم أحسسك فيه بوجودي جانبك ، و إني معاكي و مش هسيبك ، لكن مش كل الهبل الي أنتي قولتيه دا .
رحمه مسحت دموعها بقوة و قالت بإنفعال : أنا مش هنكر و أقول إني محبتكش ، لاء أنا حبيتك ، بس أنا مش