غمضت عيوني و أنا مقهور و مش قادر أوصف الوجع الي أنا فيه ، قلبي مكسور مليون حته ، مخذول من أقرب الناس ليا ، نمت من كتر التعب و محستش بنفسي و أنا بنام .
في المستشفي سلمي فاقت و لاقت أحمد ماسك إيديها و نايم ، هو متعلق بأخته جدآ ، هو الي مربيها و أتحمل مسئوليتها بدري من ساعة موت باباهم .
و مامتها كانت نايمة علي الكنبة و سالي و رحمه كانوا روحوا بليل و قالوا هيجوا الصبح .
رواية العاشق كاملة جميع الفصول من الفصل الأول إلى الأخير
أحمد حس إن سلمي فاقت ف صحي و هو بيقول بلهفة و إبتسامة : اي يا حبيبتي عاملة اي ؟؟؟؟ .
سلمي عيطت من غير ما تتكلم ، مامتها صحيت و قربت منها و خدتها في حضنها بحنان و بتقول : بس يا روح قلبي ، متعيطيش أنتي تعبانة .
أحمد و هو بيمشي إيده علي شعرها : اي الي حصل يا سلمي ؟؟؟ ، ليه وصلتي للحالة دي ؟؟؟ .
سلمي بعياط : مراد فين ؟؟ .
أحمد دمع من حالة أخته و قال : جه إمبارح بليل و مشي .
سلمي بعياط شديد : أحمد رن عليه عشان خاطري و قوله إني عاوزه أشوفه ، و أنا عاوزة أخرج من هنا يله .
مامت سلمي بدموع : طب أهدي بس أهدي الأول .
رحمه بإنفعال : و مصدقهاش !!!!! ، سلمي إستحالة تخونه و أحنا أكتر ناس عارفين سلمي بتحبه و بتحترمه ازاي .