حازم: انا مقولتش اننا هنسيبه وانا بوعدك ان هخليهولك يقضي عمره في السجن
بس في حاجة لحد دلوقتي من كلام رقية انا مش قادر أفهمها هو ازاي قدر يبعت الشات ده لنفسه من تليفون رقية وازاي وصل لموبايلك بعدها و مسح الرسايل
رقية: مش عارفة انا هتجنن
حازم: طب في حد يعرف باسورد الموبايل غيرك او بيمسك موبايلك
رقية: لا خالص محدش يعرف الباسورد خالص
حازم: طب فين الموبايل
رقية : انا سيبته في البيت
خوفت يوصلي منه
حازم بفهم: ده معناه انه راكب تليفونك
وبيقدر يتحكم فيه بس برضو انتي بتقوليلي ان محدش بيمسك موبايلك حاولي تفتكري اي حاجة ده هيساعدنا جدا
رقية كانت سرحانة وفجأة قالت:
افتكرت هو يا أحمد…هو اللي خد موبايلي
حازم: اهدي بس وفهمينا
رقية: في يوم كان يوسف وعيلته معزومين عندنا في البيت وآسر كان معاه موبايل زي بتاعي بالظبط وفاجأة قال ان عنده شغل واستأذن
ولما حبيت اخلي يوسف يشوف حاجة علي الموبايل لقيته مش بتاعي وقولت ليوسف و بعدها علي طول آسر جه وقال انه اتلخبط وخد موبايلي علشان كده رجع
واتأسفلي ومشي علشان عنده اجتماع
حازم: بس يبقي هو كان مخطط وخد موبايلك علشان يقدر يتحكم فيه من غير ما تعرفي
أحمد: عايشين مع شيطان…شيطان إيه ده عداه بمراحل
حازم: كويس يا رقية انك مخدتيش الموبايل معاكي كان ممكن يوصلك
أحمد: طب وبعدين هنعمل إيه
لازم دليل علشان نقدر نحبسه
حازم: اللي زي آسر ده خطير جدا واكيد عامل حسابه كويس أوي …علشان كده انا عندي خطة
أهم حاجة يا أحمد انك تكمل وتتعامل عادي جدا مع آسر…واتحكم شوية في أعصابك لحد ما الخطة تتنفذ
أحمد : تمام وانا مستعد اعمل اي حاجة
حازم: اول حاجة لازم آسر يكون تحت عينينا
برة البيت دي مهمتي انا عارف نعمل إيه