ثم سحبته عبير خلفها واجلسته علي الكنبة الخشبية ثم أحضرت له صينية الطعام والخبز الساخن …..
-وأنت نايم اخدت بطاقة العيش وروحت الفرن اشتري …متتخيلش كنت مبسوط بنفسي قد ايه ..كنت حاسس أني عملت إنجاز رغم أن دي حاجة بسيطة …بس انا لما كنت عايش مع بابا مكنتش شايل هم الحاجات دي بس معرفش ليه حبيت أني اجيب حاجتي بنفسي ..فيها متعة غريبة ..
ابتسم أمير وقال:
-أنت طيب وابن حلال يا نوح …يعني أنا كنت فاكر الاول انك.شاب متدلع ومش هتقدر علي الحياة دي بس اتأقلمت بسرعة …
ابتسمت عبير بخجل وقالت :
-وبصراحة انت استحملتني وانا زودتها وأنا قاعد عندك كده …أنا بس …
قاطعه أمير وقال:
-يا سيدي حد.كلمك ولا طلب منك تمشي …أنا عايزك تبقي معايا ده انا لقيت الونس اخيرا …أنا قبل ما تيجي كنت بفضل اكلم الحيطان واعدهم…فعلا كنت بعد الحيطان من الفراغ …كنت من البيت للشغل للجامع وبعدين اقرأ شوية قرآن واحط راسي علي المخدة واحاول انام …الإنسان مينفعش يعيش وحيد يا نوح …الوحدة صعبة اووي ..فلو
فكرت شوية هتلاقي انك بوجودك عملت فيا معروف ..
ابتسمت عبير بسعادة وشعرت بقلبها يخفق بقوة …كانت تشعر وكأن العالم لا يسعها بسبب فرط سعادتها …لا