أتاه صوت والدته من الطرف الآخر ليقول فؤاد دون مقدمات :
-ماما عم كريم جه هنا وعرض عليا اتجوز نسرين …هو فيه ايه ؟!
تنهدت نهى وقالت:
close
-والله يا بني ما أعرف …بس هو فجأة كده اتغير معاها…حتي بقا يعاملها ببرود أكتر والبنت بدأت تدبل …يا فؤاد أنا خايفة لاحسن البنت تدخل في مرحلة إكتئاب بسبب اللي بيعمله كريم …بحاول أفهمه ان اللي بيعمله مش صح ..بس هو مش راضي يسمع الكلام …أنا مش فاهماه يا فؤاد بيعمل كده ليه!!
تنهد فؤاد وقال:
-للاسف باللي بيعمله ده هيعقد البنت أكتر يا ماما ..أنا بجد نسرين بدأت تصعب عليا أووي وزعلان عليها …
-وأنا كمان يا بني والله بس هنعمل أيه …
-أتكلمي معاه يا ماما .. حاولي تقربيه من بنته بدال ما يخسرها للأبد ..
تنهدت نهى بتعب وقالت :
-حاضر يا فؤاد هعمل اللي أقدر عليه .
♡♡♡♡♡♡♡♡♡♡♡♡