..
استمر حمامها ثُلث ساعة تقريبا كان هو فيها كمن يغـ.لي علي مراجل الجحيم …
أخيرا خرجت وهي تجفف شعرها…اتسعت عيني ياسين بإعجاب بينما ترتدي الغلالة الزرقاء التي اراد منها ان
ترتديها…كم بدت جميلة وشهية بها …كانت كالملاك !!
اتجهت هي الي طاولة الزينة دون ان تنظر إليه وبدأت بتمشيط شعرها .
نهض ياسين من الفراش واقترب منها ثم أمسك ذراعيها وقال:
-لحد أمتي التجاهل ده يا ورد…أنا تعبت اووي منك …بحاول اتكلم معاكي ومصرة تبعديني عنك ؟!
-بنفذ اللي جيت عشانه يا ياسين ..برتب بيتك وبهتم ببنتك وبديك حقوقك ايه مطلوب مني تاني …اهو بديك تمن إنقاذك ليا من شبح العنوسة ولو عايز شكر كمان هشكرك كل يوم
أغلق ياسين عينيه بيأس وقال:
-انا غلطت وعارف ..
تنهدت وهي تبتعد عنه قليلا ثم تستدير وتقف امامه وهي تربع ذراعيها بهدوء وتقول :
-لا مغلطتش ولا حاجة أنت انقذتني من العنوسة فشكرا ليك يا باشمهندس وانا بدفع تمن إنقاذك ليا …وبالنسبة لحقك الشرعي مش مانعاك منه أنا هو قدامك !!!
-أنا آسف …آسف ماشي …أنا عارف أني قولت كلام غبي وبعتذر بجد يا ورد مكانش قصدي اجر.حك…سامحيني .
نظرت إليه وقالت بآسف:
-للاسف يا ياسين مش أي حاجة يعالجها الآسف …آسفك مطيبش الجر.ح اللي جوايا …
ثم كادت أن تذهب من امامه الا انه امسك ذراعها بقوة وقال:
-قولت آسف …آسف يا ورد …علي فكرة دي أول مرة اعتذر من حد.قدري ده شوية وسامحيني علي اللي عملته..