بصت لفيروزه = لي ليييي انتي عملتي كدا ليييي.
فيروزه : عملت اي.. انتي اللي عملتي كل ده.. دايما نيروزه دايما نيروزه اخدتي مني كل حاجه تعليمي شغلي دراستي حتي فلوسي ياشيخه وفي النهايه اخدتي الشخص اللي انا حبيته واتجوزتيه..ماما وبابا كانو دايما يفرقو بينا.. ده حتي ياشيخه اخر شغل جالي ماما ادتهولك.. وعلي اي بقا ماهي مش امي اصلا.. ولا انتي اختي
بعدين بصت لعاصم : يعني انت ولا مره حبتني
نيروزه قربت منها وضربتها بالقلم : ولا مره اي يازباله انتي كنتي بتبقي في حضنه وانا في المستشفى انتي زباله زبااااله.
عاصم : ولا مره حبيتكو وفي المره اللي حبيتك فيها افتكرت وركزت انك خنتي اختك وساعتها قولت اكيد هيجي اليوم اللي تخونيني
فيه..
فيروزه بعياط : انا.. انا معملتش حاجه غير ان حبيتك.. وانت انت كنت واخدني وسيله لانتقامك.. خسرت ابني الوحيد بسببك.. ربنا مش هيسامحني علي اللي انا عملته مش هيسامحني.. اخد ابني من روحي بسببك انت..
عاصم : انا مش هنكر اني غلطت بس صدقيني يانيروزه ده كان أكبر انتقام اخده بعد ماشوفت امي قدامي اتشلت بعد ماسمعت خبر مو’ت بنتها.. بس انتي كمان يافيروزه غلطتي
نيروزه وهي بتبص في الصورة
💔💔💔💔💔💔فلاااش باااك💔💔💔💔💔💔💔
نيروزه وهي بتسوق: حاضر يافيرو هجيلك خليكي جاهزة
فيروزه : بسرعه يانيروزه عليا الدور اطلع اتكلم جيبي الكتب بسرعه
قفلت معاها.. وهي بتسوق خبطت بنت في عمرها 18 سنه كانت بتعدي ومعاها كتب جامعه
نزلت من العربيه فورا قربت منها وهي بتهزها= قومي قومي انتي كويسه