زينب : جت وشايله صينية العصير . وبتضحك .
وقالت . ياألف نهار ابيض . ايوه كدا ياست مريم . اضحكى واتبسطي .
. والله ياست مريم البيت نور من تانى . تقوليش كنتى مسافره ولسه راجعه .. يديم عليكى الضحكه الصافيه . ويديم عليكي راحة البال
قادر ياكريم .. وحطت العصير ..
مريم : ابتسمت . اللهم آمين . تسلمي يازينب ربنا يكرمك يارب…
آدم : والله يابت يازينبو ع رأي مراد .. انتى كلامك صح جدا .. انا حاسس إن الفيلا نورت من تانى ..
زينب : يييي اومال ياسي آدم بيه . دى ست مريم نوارة البيت . وكفايه معاملتها ليا ولعيالي . شاله يسترها دنيا وآخره . ويباركلنا ف سيادتك ياسي آدم بيه ..
آدم ومريم . ابتسمو .. آمين ..
زينب : اتفضلى ياست مريم . كوباية عناب زى العسل . وبالف هنا إن شاء الله…
مريم : تسلم ايدك يازينب . ولو سمحتى جهزى الغدا عشان الولاد ع وصول .وابعتى مع اى بنت كوباية عصير برتقال فريش ل تالين ..
زينب : هزت راسها من عينيا. واتحركت .
آدم : مسك كوباية العصير . يلا اشربى ..
مريم : بحب ..شربت من ايدو .. شكرا ياحبيبى..
آدم : حاوط كتفها .. تحت امرك ياروحي ..
مريم : صح يا آدم انت رجعت من الشركه بدرى ؟ وانا راح عن بالي أسألك جيت بدرى ليه؟ ..
آدم : بخبث . انتى مركزه مع دومي حبيبك . وصعب تفتكري اى حاجه تانيه …
مريم : شهقت بحرج .. انت انا مش عارفه اعمل معاك ايه؟ مالك كدا ..؟