مريم : انتبهت . وكشرت عينيها بعدم فهم . اسف؟
تيم : بص بعيد .. اسف لانى مسكت ايدك ف مكتب المدير .
. بجد يا مريم كنت مخنوق جدا . ومتغاظ من المدير والحيوان الل اسمه ماهر ده .
. ولما اتكلم عن إن ابوه وزير . انا اضايقت اكتر . وحبيت اعرفه احنا مين .. ومحستش غير وانا بمسك ايدك عشان اعرف المدير انتى مين وبنت مين ؟ ف انا اسف بجد ..
مريم : اتكسفت . احم حصل خير يا تيم . انا متاكده انك عملت كدا لانك كنت زعلان من الموقف .. وكمان أنت يعتبر عايش معانا ..
وعمرك ما ف مره مسكت ايدي . احم . حصل خير ..
تيم : بزعل . يعنى انتى مش زعلانه منى ؟
مريم : قلبها دق بقوه .. واستغربت نفسها . ووشها احمر . وهزت راسها بتوتر . لأ انا مش زعلانه لانى عارفاك كويس ..
تيم : هز راسه تمام . وبعدين انتى من عيلتى. واى حد يضايقك ف المدرسه كلمينى ع طول ..
مريم : من جواها اضايقت من كلمة انها من عيلته . وبردو مش عارفه ليه ؟ لكن هزت راسها إن شاء الله ..
تيم : بغيظ ولو البنت دى كلمتك تانى . ولو الحيوان ده بس بصلك . اتصلى عليا . متتردديش لحظه واحده ماشي يامريم؟.
مريم : زعلانه . وهزت راسها حاضر ..
كريم و آريان وليليان . جم عليهم ..
آريان : ميرو عامله ايه دلوقتى؟
مريم : الحمد لله كويسه يا آريان ..
تيم : همس ل آريان بغيظ .. ميت مره اقولك وانت ف الشارع تخلى بالك من كلامك . واسمها مريم مش ميرو .
. ميرو ده ف البيت بنفرق بيه ما بين ماما مريم . ومريم مراد . اقسم بالله ما هنبه عليك تانى ..
آريان : اهدا ياوحش خلاص. سعات بنسى بس ماشي .
مريم : بحرج . احم لو سمحتو . ممكن الل حصل ده . بابي ومامي مايعرفوش بيه . وخصوصاً آدم اخويا . وبابا آدم كمان .. لأنهم لو عرفوا مش هيسكتو . وانا خايفه يحصل مشكله كبيره بسببى …
تيم : هز راسه تمام زى ما تحبى .. وهو مش هيقدر يعمل حاجه …
كريم : بهمس . ليليان عملتى ايه ف الامتحان .
ليليان : قلبها بيدق .احم نجحت ياكريم ..
كريم : ابتسم وهز راسه مبروك . انا فرحان بيكي اوى ..
ليليان : بحرج . الله يبارك فيك . احم ميرسي..