مريم : مغمضه عينيها . مفاجأة ايه؟
آدم : ضمها لقلبه واتكلم بهمس . هنسافر انا وانتى نعمل عمره .. ايه رايك؟
مريم : فتحت عينيها بفرحه كبيره جدا . بجد يا آدم .. ربنا يباركلى فيك يارب . بجد بجد انا مبسوطه اوى مفاجأه جميله ..
آدم : باس خدها . وانا بعشقك وانتى مبسوطه . وعلشان انا متأكد انك محتاجه تجددى نشاطك .. قولت ياواد يا آدم ياقمر انت . خد الحته بتاعتك وطير بيها واعتمرو .. وبعد العمره .. خد الموزه الجامده دي . واطلع ع المانيا . ونعمل اتنين تشيك أب محترم كدا ونطمن ع صحتنا .. وهوبا نتفسح انا وهي .. وبعد كده نرجع تانى بالسلامه إن شاء الله..
مريم : حضنت ايديه بسعاده . حبيبى بجد بجد انا مبسوطه اوى . وكفايه انك هتبقى معايا .. بس ……
آدم : امم بس ايه بقى ؟
مريم : بتنهيده . البيت والأولاد واحفادي .
آدم : ههههه مريم هو انا بقولك هنهاجر ياروحي؟ .. انا بقولك اجازه .. وبصراحه بقى انتى وحشانى اوى .
. ومصدقت انك رجعتى لطبيعتك من تانى . يبقى دى فرصه ليا ولازم اغتنمها .
. وهي حسبة شهر يعنى .. وبعدين ياروحي .. ولادك خلاص شالو المسؤليه . واحفادك اللهم بارك .
. تيم ف اخر سنه ف الثانوى .. وتمارا القمر ف تالته إعداى ومحمد ونور .عندهم ولادهم ف المقام الأول .
. أما بقى آريان وليليان ف الثانوى. وزين وريتال مش مقصرين معاهم .
.وميرو ف تانيه ثانوى و آدم العصبى ده ف تالته إعداى .