: ولا منك ياروحي . انا لو فاضي كنت وصلتك بنفسي ..
رينو : تسلم لقلبى . بقولك ياحبيبى . مين هيجيب الولاد انهردا من المدرسه ؟.. مالك . ولا فارس . ولا زياد . ولا الباص ؟
فهد : زياد اتفق معايا . هيروح انهردا .. يجيبهم كلهم من المدرسه .. هجيب چواد .و آرين و آركان ويوصلهم عند ماما .
وكارما هيوديها فيلا الصاوي .
.وتالين هيوديها عند فريحه ف الفيلا .وحياة بنته هيوصلها بيتهم عند ماليكا ويرجع ع الشركه . وبكره إن شاء الله انا هجيبهم كلهم . كالعاده يعنى الل عندو وقت فينا هيروح يجيبهم قبل الباص . كدا آآمن لولادنا .. وانتى متقلقيش عليهم ..
رينو : هزت راسها ربنا يحفظك ويحفظهم .
فهد : ابتسم . ويحفظك . المهم بقى انتى صوتك حلو اوى انهردا كدا ليه؟ ..
رينو : ههههه . وانت كمان صوتك يجنن ..
فهد : تعرفى نفسي اسيب المكتب ونطلع اجازه كبيره انا وانتى ..
رينو : بتنهيده . ياريت ياحبيبى . لكن حاليا ماينفعش . ولادك ف ٥ ابتدائى . لازم تركيز . إن شاء الله نسافر ف الاجازه الكبيره ..
فهد : اتنهد . وحشتينى اوى يارينو ..
رينو : غمضت عينيها بحب . وانت كمان وحشتنى اوى يا فهد .. وطلعت منها تنهيدة وجع وسكتت بعدها..
فهد : حس بيها . رينو انتى كويسه؟
رينو : دموعها نزلت . ومسحتها بسرعه . وضحكت بتمثيل الحمد لله كويسه جدا يافهد..
فهد : قام وقف . رينو انتى بتعيطى ؟ وكمل بحده .. لارين ف ايه ؟ وبتعيطي ليه اتكلمي ..
رينو : غمضت عينيها بتعب . نفسي اخلف تاني يافهد . بجد عايزه اعيش التجربه دي تانى ..
فهد : بزعل عليها . وقعد ومسح شعرو بايديه . حبيبتي هو يعنى كان بأيدينا . وبعدين يا لارين كل حاجه بايد ربنا . وانتى تعبانه . وانا
يستى والله معايز عيال غير آرين و آركان . وبنتى الكبيره رينو القمر . احسن بنت ف الدنيا كلها ..
رينو : عيطت بوجع . فهد ده حتى محصلش حمل او حملت واجهضت بعدها . طيب نكشف تانى ممكن ؟
فهد : نفخ بديق حقيقي . ومخنوق لعياطها . لارين ممكن تبطلى عياط . وحاول يهدا . وكمل .. حبيبتى انتى بعد آرين و آركان . روحتى