. امى هي الل ربت مريم بنتك والكل .
لما بنتك بتتعب امي الل كانت بتسهر بيها مش انتى .. وتقولك استريحي انتى عشان عندك رساله ودكتوراه .
. امي هي الل حفظت بنتك ف القرآن مش انتى .
.امي هي الل علمت بنتك ازاى تتكلم وتتعامل مش انتى
امي هى الوحيده الل ادرى بمصلحة الكل هنا .
. والل يتجرأ ويكلمها بالطريقه دي . يبقى النهايه هتكون وحشه جدا يافريحه . فاهمه .
فريحه : جريت عليه ووقفت قدامه ومسكت دراعه . وقالت بدهشه .. مراد . ايه الل انت بتقوله ده .؟
انا عارفه إن ماما مريم عملت كل ده واكتر كمان .
وهي الل علمت ولادنا الصلاه وأصول الدين وكل حاجه .
وهي الل مربياهم مش انا. وهي الل مربيانا احنا كمان.
.لكن انا قولت كدا ف وقت عجز وقلة حيله . انا كنت عايزه افرح بمريم انا مش قصدى صدقنى.
مراد : نزل أيدها من ع دراعه بهدوء. وبص ف عينيها وقال بلوم .
واهي امي عايزه تسيب البيت الل زرعت فيه كل حاجه حلوه . عشان كلمتك الل من غير قصد …
فريحه : للحظه افتكرت طلب مريم من آدم ترجع شقتها .
. وشهقت بصوت عالى . وبصت ل مراد وقالت مستحيل ماما تسيب البيت . مستحيل . وجريت من قدامه وخرجت بسرعه…
مراد : غمض عينيه واتنهد بتعب ومسح وشه بايديه. وخرج وراها ..
عند آدم ..
مريم : قاعده ع طرف السرير وزعلانه .
آدم : غير هدومه وقعد جنبها . ايه ياروحي .
مريم : انتبهت . وقالت عايزه اطمن ع فريحه . ياترى عامله ايه دلوقتى؟.
آدم : ابتسم . وقال بمكر . فريحه ؟ انا لازم اعاقبها .