مراد : بحيره . اخد تالين ف حضنه . هشش بس ياحبيبتى متعيطيش . ماما هتفوق وهتبقى كويسه .
ميرو : جمب فريحه بتدلك ف أيدها وبتعيط بوجع كبير .
.مامي ارجوكي فوقى بالله عليكى وهعمل الل انتى عايزاه بس فوقى ارجوووووكي ااااه يارب .
مراد : مسح دموع تالين . وباس جبينها . تالين بنتى قويه ومتبعيطش . ماشي ..
تالين : هزت راسها بدموع حاضر يا بابا .
مراد : بص ع ميرو وهز راسه ليها اهدى ياميرو هتكون كويسه ياحبيبتى.. وحط برفان ع ايدو وقرب من فريحه بخوف كبير …
ميرو : حاطه أيدها ع بوقها وبتعيط بشهقات مكبوته.
فريحه : بدأت تأن وتفوق ..
مراد : اتنهد براحه .. ومسح وش فريحه بحب . فريحه انتى كويسه..؟
فريحه : بدأت تفوق وفتحت عينيها بتعب . وبصت حواليها وحطت أيدها ع راسها ..
مراد : فريحه . ردي عليا انتى كويسه..
فريحه : حاولت تتعدل مكانها . ومراد ساعدها . وهزت راسها ليه وقالت بزعل .الحمد لله…
ميرو : عياطها متواصل وجواها عايزه تهرب بعيد .
مراد : مسح دموع ميرو . وباس جبينها بحب وشدها لحضنه . مالك ياميرو ياحبيبتى . عياطك وجع قلب ابوكي ..
ميرو : كلبشت ف ابوها وعيطت بوجع كبير وقالت انا هعمل الل انتو عايزينو يابابي بس ارجوكو سامحونى ومتزعلوش منى ..
مراد : اتخنق جدا عشانها . و زاد من حضنها ومسد ع ضهرها بحنان .
. هششش بس ياروحي . ومفيش حد ف الدنيا يقدر يجبرك ع حاجه انتى مش عايزاها .