زياد : نعم ياحبيبتى..
حياه : هو أبيه ياسين فين؟
زياد : اخوكي طلع يغير هدومه ونازل . وتعالى بقى انا جايبلك هديه جميله جدا .. علشان تقدميها لاخوكي ياسو . وغمز ليها . ومتقوليش ليه انى انا الل جايبها اتفقنا.
حياة : لأ ميرسي يا بابي . انا جبت لابيه ياسين هديه جميله اوى ..
زياد : بإعجاب . ايه ده بجد؟ طيب ياترى بنوتي الحلوه جابت لاخوها ايه ممكن اعرف؟ وصدقينى هيكون سر اتفقنا ؟
حياة : ههههه اوكي يابابي . ثوانى هروح اجيبها بسرعه . وجريت من قدامه ومبسوطه ..
زياد : دخل المطبخ . وابتسم بحب . وفضل واقف ورا ماليكه وبيسمعها وهي بتغنى . لمياده الحناوى. انا بعشقك انا . ومندمجه مع كلمات الاغنيه .
زياد : قرب منها بحب .. وضمها من الخلف. اممم وانا كمان بعشقك انا .وكلي ليكي ..
ماليكه : ضحكت بسعاده . حبيبى يازيزو متحرمش منك ابدا .
زياد : لفها ليه .مش كنا اشترينا كل حاجه جاهزه وانتى ترتاحي؟
ماليكه : بفرحه . لأ طبعا ف نجاح تخرج ياسو لازم اعمل كل حاجه بايديا ..
زياد : حاوطها من وسطها وهمس ف ودنها . طيب عملتى ليا البسبوسه بالقشطه؟ وغمز .
ماليكه : بتلعثم . اه لأ. قصدى عملتها . احم
زياد : شاف حياة نازله . وخطف بوسه من خدها .وقال بحبك ياماكي ..
ماليكه : شافت حياه واتكسفت. احم امسك يازيزو حط الاطباق دي وانا هجيب الجاتوه وهحصلك .
زياد : ضحك بصمت . واخد الاطباق . وخرج .
حياة : طلعت علبه كبيره . وقالت اهي يابابي .الهديه جوه العلبه دي ..
زياد : انبهر ايه كل العلبه دي ياحياة . اكيد هديه كبيره وواثق انها هتكون جميله ..
حياة : بسعاده طبعا يابابي . واشترتها من زمان جدا وخبتها لحفلة تخرج أبيه ياسين .
زياد : بفضول . طيب وايه ياترى ممكن اشوفها ؟
حياة : حاضر ثانيه واحده . وبتفك الشريط . وفتحت العلبه. وكانت .بدلة ظابط .