آريان : تمارا . انا عايز اقولك انى مبسوط جدا . رغم انى مخنوق من قرار تأجيل كتب الكتاب . لكن فكرة انك ليا . دى مفرحانى ..
تمارا : احم . كل شي باوانه. وكدا احسن . قصدي يعنى .. اننا هنقعد فتره كبيره ..
آريان : والله قولت ل بابا نتجوز آخر الشهر والشقه موجوده . قالى لأ . بنت اختى مكانها قصر . هو مكدبش بصراحه انتى قيمتك مملكه
بحالها .. لكن بصراحه انا كنت حابب بداية السنه نروح الجامعه مع بعض ..
تمارا : قلبها بيدق بسرعه . وقالت ع العموم كل حاجه هاتم زى ما ربنا عايز . لكن ليه خالو زين رافض الشقه ؟
آريان : بابتسامه . اصل بابا آدم وبابا . اتفقوا وخلاص هيشترو الارض الل جمب الڤيلا بتاعتنا عارفاها؟
تمارا : بانبهار . ماشاء الله . الارض الل جمب الفيلا ع طول ؟
آريان : ابتسم . ايوه هي دي . واتفق مع صاحب الأرض امبارح . والمبايعه هتم خلال الأيام الل جايه إن شاء الله..
تمارا : ماشاء الله . بس يا آريان بتهايلى الأرض دى مساحتها كبيره جدا جدا . صح؟
آريان : ايوه ياحبيبتى . احم سورى بقى.
تمارا : بحرج . طيب وبابا آدم ناوي ع ايه؟
آريان : همس بحب …وقال مفاجأه كبيره ..
تمارا : قلبها دق. احم ممكن اعرف.
آريان : فيلا آريان العدوي . وحرمه تمارا العدوي .
تمارا : كشرت عينيها بعدم فهم . مش فاهمه حاجه؟
آريان : بابا آدم . قرر أنه يبنى ع الأرض دي . فيلا ليا وفيلا ل آدم .وكمان فيلا تالته وبين الڤليتين عماره كبيره جدا لكل فرد ف العيله ليه شقه فيها . لبناته وأولاده وأحفاده كلهم كمان بلا استثناء .
تمارا : بفرحه . واااو . بجد فكره تجنن يعنى كل العيله هتكون جمب بعض ..
آريان : ودي اجمل حاجه . احم تمارا كنت عايز اقولك حاجه مهمه جدا . ومش قادر امنع نفسي اكتر من كدا..
تمارا : نزلت وشها ف الارض بحرج . احم حاجة ايه ؟
آريان : اني بحبك وبموت فيكي ياتيما .
تمارا : ………..
——————بقلمي مريم نصار
عدى حوالى ٤ شهور كمان .
ف مجموعة آل العدوي الامبراطور .
ف مكتب زين ..
هيكل : تمام جدا يا زين . انا هاخد اوراق المناقصه . واظبط كل حاجه ..
زين : بيراجع ف الملفات الل قدامه . وقال والله انا مش عارف اشكرك ازاي يا هيكل يصحبى . هتوفر عليا مجهود كبير . لانى عندى اجتماع مهم جدا ..