بعد فتره . عند محمد عزيز .
محمد : دخل الشقه مع نور وتمارا .
نور : كشرت عينيها أول مادخلت . وقالت ايه ده؟ الشقه كلها ضلمه كدا ليه؟
تمارا : بتعجب مش عارفه . مع اننا واحنا نازلين نور الصاله كان شغال كالعاده .
محمد : خلاص محصلش حاجه انا هشغل الاضاءه يمكن اللمبه اتحرقت ولا حاجه.. وراح يشغل الاضاءه . واشتغلت ..
نور : بصت قدامها ف الليفنج. وقالت بتعجب . تيم ؟
محمد : بص وشاف تيم نايم ع كنبة الليفنج .
نور : راحت عند تيم بسرعه . وقلقانه عليه. وقالت تيم حبيبى انت كويس ؟
تيم : نايم ع الكنبه . ورافع دراعه ع جبينه وعينيه.. ورايح ف النوم ..
محمد : مسح وشه بايديه . وقال تيم شكله نايم من بدري . اتفضلو انتو ع اوضكو وانا هصحيه..
نور : بصت ل محمد . وقالت بس ي……
محمد : شاور ليها . اتفضلي ومتقلقيش ع تيم تمام ؟
تمارا : تعالى يامامي . بابي اكيد هيتكلم معاه. تعالى انتى استريحي.
نور : بصت ع تيم بحيره . ومسدت ع شعرو . وقامت بحزن ..
تمارا : اخدتها ع اوضتها . ورجعت عند محمد . بابي لو احتجت لاي حاجه انا صاحيه نادي عليا ع طول..
محمد : ابتسم . ماشي ياروحي .
تمارا : بصت ع تيم . ومحتاره ..وسابتهم وراحت ع اوضتها..
محمد : قعد ع التربيزه . قدام الكنبه . وحط ايديه تحت دقنه . وبص ع تيم . وقال جواه . ياترى مالك يابنى . من شهرين وحالك اتبدل .
واتنهد بتعب . وحط ايدو ع شعر تيم . وبدء يصحيه . تيم؟
تيم : ……….
محمد : تيم قوم يبنى . ايه الل نيمك هنا ؟
تيم : فاق . وشال ايدو من جبينه . وبص شاف ابوه . واتعدل بسرعه . بابا . احم . ومسح وشه بايديه وحاول يفوق ..
محمد : ايه الل نيمك هنا ياتيم؟ وسبت العيله ومشيت بسرعه ومن غير ما تقول لحد ليه؟
تيم : انا آسف يابابا . انا حسيت اني تعب#ان شويه . حتى كنت رايح ازور ناناه وجدو الله يرحمهم . وحسيت انى مش قادر . جيت ع هنا .
محمد : طيب مدخلتش نمت ف اوضتك ليه؟ وقافل فونك ليه؟
تيم : فتح فونه . وكمل بهزار. هههه مش عارف انا قعدت هنا وكنت قايم انام جوه . بس تقدر تقول كدا . انى لازم اطمن عليك لحد ما ترجع ههههه ..