زينب : عوجت بوقها. لا يختى معرفش انك من زمان مفرحتيش . المرحوم ابوكي قبل ما يموت ماجاش قالى قصة كفاحك يختى.
مياده : لبست جلد حر#بايه .. وضحكت هههههه والله دمك زي العسل ياست زينب. قوليلى اخدمك بآيه . اعملك اي حاجه . اؤمري وانا خادمتك ..
زينب : شهقت. هي البت دى عبيطه ولا بتستعبط . ايه يابت انتى اتحولتى امتى ؟ خشي يختى تبلي اللحمه الل جوه وشيليها ف الفريزر . وبعدين اعملى كوباية لبن وعليها بيض وانا هوديها لسي آدم بيه الصغير..
مياده : خلي عنك انتى ياست زينب وانا هعمل كل حاجه وانا الل هخدم ع كل العيله . اصل بينى وبينك حاسه اني ربنا عوض عليا
واشتغلت عند ناس طيبين زي دول. اي والله ..
زينب : طيب يختى وريني شطارتك . وبطلى توهانك ده .. اصل البهوات هنا خلقهم ضيق . وبلاش تشوفي وشهم التاني . طول ما انتى ماشيه حلو ومسلكه الخير هيعم عليكي من وسع . أما بقى لو لعبتي بديلك وسر#قتى اي حاجه من البيت . يبقى محدش سمى عليكي
ياحبيبتى . خلى بالك أنا نصحتك وانتى حره. اصل انا عارفه لؤم بنات اليومين دول . انجري بقى ع شغلك ..
مياده : ههههه عيوني ياست زينب. ودخلت وقلبها بيشحن طاقة جديده بخ#بث كبير ..
——————بقلمي مريم نصار
ماليكه : قفلت الفون . وحطته ف الشنطه . وقامت. وقالت طيب بقى ياجماعه هنستاذن احنا .
مريم : ايه ؟ تمشي فين بس ياماليكه يابنتى . لسه بدرى . لسه العشا بيجهز . اقعدى ..
ماليكه : ابتسمت تسلمي ياخالتو . وعشا ايه بس هو ف مكان . ماشاء الله انتو مش مدينا فرصه ناخد نفسنا ..
مريم : بألف هنا ع قلبك . بس اقعدى لسه بدري .
ماليكه : غصب عني والله . زياد اتصل عليا. وقالى إن ياسين مرهق شويه وعايز يروح يستريح .
ميرو : انتبهت ل كلام ماليكه . وزعلت جدا. وحست بالذ#نب تجاه ياسين . واتخ#نقت..
مريم : الف سلامه عليه . طيب ياحبيبتى . بس تبقى تطمنينى عليه.
ماليكه : سلمت عليها. حاضر من عينيا . الف الف مبروك لليليان . ويارب عقبال ما تفرحي بكل أحفادك انتى وخالو آدم ..
مريم : تسلمي ياحبيبتى . وتفرحي بياسين وحياة إن شاء الله ..