تيم : ابتسم ايه يا بنتى كل ده . اختفيتو مره واحده ..
ميرو : بتوتر .. سورى ياتيم .كنا قاعدين فوق مع بعض ..
تيم : المهم بقى انتى عامله ايه؟
ميرو : بلعت ريقها بتوتر الحمد لله كويسه . احم وانت اخبارك ايه؟
تيم : انا تمام. ممكن اعرف انتى متوتره ليه؟
ميرو : اخدت نفس عميق . احم ابدا انا مش متوتره ولا حاجه ..
تيم : لأ متوتره . واكيد علشان الشهاده الاسبوع الل جاي .. لكن انا بطمنك من دلوقتي انتى اكيد اكيد ناجحه وبتقدير امتياز كمان .. انا واثق جدا …
ميرو : بحزن . فعلا انا متوتره عشان كدا . وربنا يستر . وشكرا ع ثقتك ..
تيم : ههههه بتشكرينى ع ايه يامريم .. يابنتى انتى اختى .. ومتربيين مع بعض وانتى مسؤوله منى …
ميرو : ف عيونها دموع مكبوته . وهزت راسها احم فعلا . المهم انت كنت عايز تقولى خبر حلو خير ؟
تيم : ايوه يستى عايز اقولك .. إن آريان هيتقدم ل تيما .. و كريم هيتقدم ل ليليان.
ميرو : ابتسمت بوجع . ايوه عرفت . آرين قالتلنا …
تيم : ههههه آرين مجنونه . اجمل حاجه فيها انها بريئه جدا . وبتحب توصل الاخبار الحلوه . بتحب تشوف الفرحه وردود الأفعال .
ميرو : غمضت عينيها بتعب . وهزت راسها ايوه آرين جميله جدا . احم انا فرحت جدا ل تيما و ليليان وربنا يتمم ليهم بخير …
تيم : ابتسم وبص ف عينيها عقبالك ياميرو…
ميرو : بشبح ابتسامه .. ميرسي ياتيم . عقبالك انت الاول ..
تيم : هز راسه لأ انا مش دلوقتي . لسه قدامى ماجستير ودكتوراه . لسه مشوارى طويل جدا..
ميرو : قلبها بيقول مستعده استناك ياتيم العمر كله .. اااه يامريم انسيه ارجوكي …
تيم : ايه روحتي فين كدا .. وطلع من جيبه الشوكليت بتاعها اتفضلى ياميرو..
ميرو : بصت ع الشوكيلت .. ونفسها ترمي نفسها ف حضنه وتعيط وتقوله مش عايزه حاجه غيرك انت وبس ..
تيم : باستغراب مريم مالك يابنتى امسكى الشوكليت ؟
ميرو : انتبهت .. وبصت ف عينيه وافتكرت كلام چود .. وقالت لأ انا مش عايزه حاجه تانى .. وقلبها هيطلع من مكانه…وجسمها رجف..
تيم : بعدم فهم . ايه؟ مش عايزه ليه ؟ انتى اول مره تقولى مش عايزه ..
ميرو : بخنقه ايوه عشان فعلا مش عايزه .. انا مابقتش بحبها ..بعد اذنك وجريت من قدامه . وحاسه انها ارتكبت غلطه كبيره وخافت انها حتى تخسر سؤال تيم عنها ..
تيم : واقف مزهول .. من رد فعل مريم ..