ميرو : هزت راسها بنفاذ صبر . انتو مجانين. بجد تفكيركم متخلف .. ويلا انجري قدامى انتى وهي ع تحت . والكلام الل حصل هنا ده مفيش حد يعرفه غيرنا مفهوم ؟
ليليان وچود .بخوف هزو راسهم حاضر يا ابله . احم قصدى حاضر ..
——————بقلمي مريم نصار
فجاءه .. الباب بيخبط كأن حد بيطبل عليه بفرحه كبيره …
ميرو وليليان وچود استغربوا ..
آرين : فتحت الباب وخلت بفرحه كبيره جدا . يابنااااات انتو هنا ومش عارفين ايه الل بيحصل تحت ..
چود : جريت عليها مالك يابت وايه الل حصل؟
آرين : بيئه انا مش بت انا ليا اسم اوكي؟
چود : اوووف ايه الل حصل يا آرين هانم ؟
آرين : ههههه ايوه كدا .. وجريت ع ليليان بسعاده .لي لي ياقمرايه .. عندى ليكى خبر حلو جدا ..
ميرو : قولى بقى يا آرين ايه الل حصل؟
آرين : اممم جدو أشرف طلب من بابا آدم ميعاد عشان يروحو الفيلا ويطلبو ايد ليليان ل كريييييم ابن عمووووووو يوسف …
ليليان : شهقت بفرحه وحطت أيدها ع قلبها الل دق بسرعه كبيره جدا ووشها احمر جدا . وقعدت ع طرف السرير ومش مصدقه..
چود : بلهفه ها وجدو آدم قال ايه؟
آرين : بثقه … قال يشرف ف اى وقت .. وجدو أشرف قال بعد اسبوع إن شاء الله ههههههه انا مبسووووطه اووووى…
ليليان : همست بعد اسبوع ؟
ميرو : قعدت جنبها وحضنت ليليان بفرحه كبيره الف مبروك ياحبيبتى..
چود : ايوه بقا ع الاخبار الجامده دي خلينا نهيص ..
آرين : اممم اومال بقى لما تعرفى إن ابيه الدكتور آريان قرر يخطب تماراااا؟
چود : سقفت بفرحه ايووووه بقى خلينا نشهيص ونفرح ..
آرين : ههههه رهيبه يا چود ..
ليليان : قامت بلخبطه .. وواقفه متوتره وحاسه انها هيغمى عليها من الفرحه. اخيرا كريم هيكون خطيبها ؟
فون ميرو رن . وبصت وقلبها دق تيم ؟ وبصت ليهم احم ثوانى يابنات . وخرجت من الاوضه بسرعه وردت عليه ف الطرقه . احم ا.الو .
تيم : الو .ايه يامريم انتى فين ؟
ميرو : بتنهيده . انا فوق ياتيم ف حاجه؟
تيم : ايوه انا من بدرى ملاحظ انك مش موجوده . وبعدها ليليان انزلوا بسرعه علشان ف خبر حلو عايز اقولك عليه ..
ميرو : ابتسمت . خبر؟ طيب اقدر اعرفه دلوقتي؟