ليليان : قامت بسرعه والله كلامك صح يامجنونه .. فعلا مريم قطه مغمضه ولازم تفتح بقى ..
چود : ههههه بصي يا لي لي ميرو متنحه ومذبهله ازاى؟
ليليان : سيبك منها يامعلمه وركزى معايا . قوليلى نعمل ايه عشان نلفت نظر تيم …
ميرو : بسرعه ايه هو دا ؟ وانا عمرى ما هحاول الفت نظر تيم ليا … انتى اكيد مجنونه انتى وهي ..
چود : خبطت كف ع كف . اهو ده الل انا بتكلم فيه ؟ الدكتوره بتشرب اللبن وتنام م المغرب وعايزه تيم يحبها بالدعاء .
. بصي يا ميرو .انتى مش غريبه .. والبت ليليان دى عارفه اسرار عنى بس انا هاقول سر قدامك عشان أنا واثقه فيكى .
. عارفه مصطفى عزيز ؟ معايه من كيجى لحد دلوقتي سنه بسنه . وف ٢ ثانوى قالى انا معجب بيكى ياچود .. بينى وبينك فرحت . بس
انا بقى شغلت عقلى ورديت عليه بثقه وقولتله روح العب بعيد ياشاطر .. وسيبته ومشيت .
. بعدها بكام يوم جاي يقولى والله بحبك . بصتله من فوق لتحت وسبته ومشيت وانا قلبى كان مبسوط جدا .
. يوم ورا التانى مصطفى هيتجنن واسمعه .. وانا مكبره دماغى منه خالص . لحد ما تجنن فعلا السنادى بقى جاب آخرو. وبعتلى رساله ع الواتس حوالى صفحتين ههههه . انتى جننتينى . انا اتعلقت بيكى جدا . انتى عذ#بتينى . انا مش هخليكى تضيعى من ايدى . انا اول ما
ادخل الكليه هتقدملك .. وحكالى ع كل حاجه .. وانا بقى ساعتها قلبى ده كان شغال فيبريشن ماقولكيش . وبرضو مردتش عليه.
. عارفه لو كنت نعم وحاضر وتحت امرك يامصطفى . كان ممكن يكون اعجاب من ناحية مصطفى وخلاص ع كدا .
. انتى كمان يا مريم لازم تخلى تيم يشوف فيكى الجانب القوى والمجنون والشر#ير لازم يشوف كل حاجه . لازم تصديه ف اى حاجه يقولك عليها . لازم تلفتى انتبهاه . شوفى ايه مابيحبوش واعمليه . اتصرفى تصرف يخليه ماينمش طول الليل من التفكير .
ميرو : بتسمعها وفتحت عينيها ع الاخر بصدمه كبيره … بت ياچود .!! كل ده يطلع منك انتى ؟
ليليان : ومالها بس چود ياميرو . ماهو لازم يكون ف العيله بلط#جيه بردو هههههه .. وباستها من خدها . قمر ياچودى بجد وفرتى عليا كتير .. ههههههه…
چود : بتعدل ياقة البلوزه بكبرياء . اى خدمه يابنات .. بس يارب الاخت تسمع منى . وانا عندى افكار تهبل تخلى تيم يلف حوالين نفسه .. اول حاجه تحطى روج قدام تيم . بعد كدا نحاول نوصله انك بتحبى حد تانى .. وبعد…………
ميرو : خبطتها ع راسها انتى اكيد مجنونه . وازاى يطلع منك انتى كل ده؟ ..
.انسي كل الل انتى قولتيه ده . ومصطفى ده . ماتتكلميش معاه تانى انتى لسه صغيره . لما يكبر ويعقل يجى يتقدملك .
. وبصت لليليان وانتى كمان ماشيه ورا كلامها وعايزانى اعمل الحجات المجنونه دى ؟
ليليان : بتوتر . ها .ا.انا وكملت بطفوليه . بليز ياميرو نجرب مش هنخسر حاجه .