. ودموعها نزلت لكن تيم بقاله فتره ف كل موقف يقولى انتى اختى .
وانا مش عارفه بكون مسلوبه قدامه . احيانا بحس انى ضعيفه قدام تيم بالذات .
. انا مش عارفه اتصرف ازاي؟ نفسي بجد أنساه عايزه افوق .. برغم من انى بستمتع من دقات قلبي انها بتدق بالحب .
. ع قد ما كرهت دقات الوجع الل جوايا بسبب الحب ده .. بتمنى بجد أنساه .. واخدت نفس عميق واتنهدت .. وبصت ع تيم …
ليليان : زعلت جدا ع مريم والحيره الل هي عايشه فيها .. ومش عارفه ترد تقول ايه…
چود : خبطت ودخلت . احم ممكن اتكلم ..
ميرو : اخدت نفس عميق واتنهدت بتعب . وربعت ايديها . وسندت راسها ع الشباك وعيونها ع تيم ومردتش….
ليليان : تعالى ياچود .. اقعدى ..
چود : وقفت قدام ليليان ع فكره انا سمعت كل حاجه .
. وانا مش قصدى اتصنت والله العظيم . انا شوفتكم داخلين الفيلا ودخلت وراكم .
. وطلعت . وبحمد ربنا انى طلعت . لأن طنط ماليكه وخالتو رينو كانو طالعين مع مامي هنا وانا اتصرفت وقولتلهم ان ميرو فستانها اتقطع وليليان بتخيطه ليها جوه . وفضلت واقفه قدام الباب لحد ما نزلوا ..
ميرو : ماهتمتش لانها محبطه ….ومردتش .
ليليان : اوووف الحمد لله . شاطره ياچود برافو عليكي اتصرفتى صح ..
چود : لابسه بنطلون وبلوزه وكوتش وحجاب .. وهرشت ف قفاها . احم مريم يابنت عمتى ممكن اتكلم بصراحه ولا هتزعلى منى ؟
ميرو : من غير ما تبصلها . عايزه ايه ياچود ؟
چود : قعدت جمب ليليان .. بصي انتى ممكن تفكري انى لسه صغيره . لكن انا فاهمه كل حاجه . وعارفه انك بتحبى الدكتور تيم . بس بصراحه انتى الل معذبه نفسك …
ليليان : خشي ف الموضوع ع طول يافصيحه . ومين قالك انتى صغيره . ده انتى بنت الدكتوره رودي يابنتى . انتى ع فهم اكتر منى يلا قولى عايزه توصلى لايه؟
چود : قامت واتمشت ف الاوضه . وقالت .. الل اعرفه إن الراجل عموما يحب البنت الفرفوشه ونفس الوقت يحبها عاقله .
. وكمان يحب الل تديله ع دماغه .
.وكمان يحب الشخصيه العنيده المجنونه .
. وكمان الشخصيه المستقله . وزياده ع كدا يحب الشخصيه المضحيه المطيعه الل زى شخصيتك يامريم .. وانتى بطبيعتك طيبه وعاقله .
. وتيم شاف فيكى الجزء ده بس ع طول نعم حاضر مافيش مره لأ . مافيش وانت مالك ؟ مافيش مالكش دعوه بيا؟ مفيش حركات مجنونه ..
ميرو : انتبهت ل كلام چود . وبصتلها وكشرت عينيها وبتسمعها …