لتنظر اليه بحقد وتلتفت وتمشي ولكنها لا تعرف الطريق كان ورائها يدندن واعصابها تحترق وهيا تسير وتسير كانت تسير مسرعه لعله يكف عن ملاحقتها ولكنه لن يفلتها ابدا لتحس انها تعبت وانها لا تعرف الطريق لتستدير بغضب.. ممكن اعرف انت ماشي ورايا ليه.
ليضحك بشده.. ثم يقول.. ماشي وراكي عشان خايف حاجه تطلع تاكلك والا تقرصك اصلك سارحه لوحدك وماشيه ولا عارفه انت راحه فين
لتصرخ… لا عارفه وعارفه الطريق واصحابي قريبين خليك في حالك
ليرفع كتفيه ويقول… زي ما تحبي يا قمر يلا زوقي عجلك اتمنالك رحله سعيده ليستدير ويمشي بتمهل ويتركها ويرحل..
عند حمزه ورودينه.. نجد الكل يجلس وحمزه تلتف حوله البنات وضحكاتهم تعلو وتعلو لتضرب رودينه هاله… هو
سي زفت ده استحلاها هو انا مطلعاه معانا ياخد باله مننا والا مطلعاه يشقط البنات دا مش عاتق. عيل سمج يتكسف علي دمه وهو شحط كده.
لتهتف هاله… انت يا بت هبله هو مين اللي شحط دا موزه عسليه وقمر انت قارشه ملحته ليه مش طايقاه ليه
ماتسيبيه بدل ما وشه شقق من قله الضحك والكلام دانا اول مره اشوفه كده.
لتخبطها.. انت مبسوطه من لفه البنات كده وقله ادبه دا عيل محروم.. يتكسف دا عجوز عالكلام ده.
لتهتف هاله… هو مين اللي عجوز اخويا بس بس دا مز طحن اخر حاجه اسكتي جايز يشقط عروسه حلوه ونجوزه بقه ويجبلي بت اعمل عليها عمتو العقربه..