هتف… والله ماعارف انت زعلانه ليه بس عموما حاضر يا ستي انا ماقدرش علي زعلك انت برضه كنت مراتي ولازم اراعي غضبك..
نظرت اليه مصعوقه.. كنت.. كنت ازاي.. تصاعد غضبها واقتربت منه بغضب.. انا ماكنتش انا لسه مراتك يا بيه ولو فاكر ان سهيله هبله وترضي بقله القيمه دي فوق. انا كرامتي فوق كل حاجه وتتلم بقه وتبطل قله ادب واه البت سحليه وسلعوه كمان فاهم لتقوم وتلم اشياوها هتف ببراءه… ايه مش هنشتغل
نظرت بغضب…. مش هتزفت سيبهالك وخرجت غاضبه تاكل روحها.
فانفجر بالضحك… يا جمالو القمر غيران طب ايه والنبي لاهريك واهري قلبك يا جامد انت يا عسليه.. دا بتقلي انا جوزها.. اه والله جوزها يا رب ابقي جوزها علي طول..
اما هيا فذهبت الي مكتبه لتدخل تاكل نفسها.. بقي كده يا جواد الزفت ماصدقت.. تروح تبصبص ايه لحقت الله يخربيتك بتحلق عالستات والبت راشقه في حضنه.. اه مانت سيبتيه وهو قليل الادب زي بقيت الرجاله عايز
ست.. لتجلس بغلب.. بس مالحقناش جتو وجع في قلبه.. البت عينها منه انا عارفه هتموت عليه.. نهارك اسود يا سهيله الواد سيبتيه والبت العرسه هتاخده قلعاله وحطه اخضر واحمر وانت شكل الدكر ايه لبسك ده وايه منظرك جتك داهيه روحي بقه كلي نفسك واشتغلي هتستحملي شهر وتمشي تغوري ازاي.. لتتنهد هو انا همشي خلاص كده.. يا رب بقه انا تعبت.. لتظل تاكل نفسها وتقوم وتستعد مع المهندسين ليتم اعمالهم.
دخل جواد عليهم َمعه سالي هتف بلا اهتمام.. احنا هنتغدي تيجي..
نظرت اليه بغضب احست ان كرامتها توجعها هتفت بسماجه…. لا روحو انتو.
هز راسه وهتف…. طب لو اتاخرنا ابقي خدي السواق وروحي واستدار وسالي ورائه بعد ان رمقتها بنظره ساخره كادتها لتمسك الدفتر وتحدفه بعد ان انصرفا…. بقي كده سيادتك خلاص عيارك فلت ورايح تطفح مع السلعوه طيب يا جواد.. والله لاقهرك.. جلست بغلب.. طب ده اقهره ازاي مش قادره استحمل اروح اجيبها من شعرها المدلدل ده. يا غلبك يا سهيله سودتيها علي دماغك والواد سابك خلاص اه ماهو طول الشهر بيجري