كنت هسافر بعد امي ما ماتت وكنت هعيش عيشه ابكيك واناجيك وابعتلك الاف الرسايل بس ربنا رحيم اراد اني اسمع لأمي وارجع واشوف منك اللي شفته عشان لما امشي مابصش ورايا ابص علي حب رخصني.. انا عمري ماكت رخيصه.. عارف كريم اترجاني يجيلك بس انا رفضت اه والله رفضت عشان انت كنت شاطر وانت بتموت
الحب ده كنت مستنيه اللحظه بس اللي اخد فيها قرار موت الحب ده عشان ارتاح وقلبي يرتاح. ولا يوم ابكي الحب ده ولا يوم اعيش علي الاطلال القرار ده كان لحظه دخول السكينه فيا لحظتها انت خرجت يا جواد واللي يخرج من سهيله لو علي روحها مايرجعلهاش.. سيباك وبدعيلك برضه اني اخرج من جواك عشان
وجعي اللي عشته ماتمناش لحد يشوفه بعد الحبيب موجع.. حبيت بدوي وقالي حبي ابدي.. طلع كل ده وهم في وهم. اقفل عالقصه دي زي انا ماقفلتها لا جواد هيبقي لسهيله ولا سهيله عمرها هتبقي لجواد……
انتهت الرساله والصمت يجوب المكان منتظرا ان يقبض روحا قلبها يدق بمراجل من نار وعيون جواد تسيل منها
الدمع ليسقط ارضا ليبرك الجواد وقلبه ينزف دما ليظل يحاول ان يلقط انفاسه… سهيله سابتني ومشت وسافرت سهيله حبيبتي انا تخلع قلبي طب انا هعيش ازاي طيب اه استحق بس غصب عني والله غصب عني اعمل ايه قلبي هيقف بتقلي سهيله عمرها ماهتبقي لجواد بتبعد عشان تستقوي اه هتقوي عليا ماهي لو
بعدت قلبها هينشف ومش هطولها لو عملت ايه ليصرخ بحرقه بعدتي ليه وسيبتيني كنتي موتيني وامشي كان يمسك قلبه بحرقه ويصرخ من وجع فاق احتمال وجع نزوع روحه من جسده. كانت ينتحب ويشهق ويمسك قلبه بشده.. ااااه ااااه حبيبي راح حبيبي يا ناس. ليقوم ويكسر المنضده ليتبعثر الزجاج ويلمع في عينيه. ظل فتره ينتحب كانت بالقرب من يده قطعه من الزجاج لينظر اليها ساهما قطعه كسرت علي شكل قلب
فسهم فيها قليلا ليلتقطها ويسهم فيها ليحس بتبلد فجاه غير عادي واحمرت عيونه ونشفت دموعه وسهم قليلا… ليبتسم ويتذكر… لو قعدت هنصاع للحب ده لاني بعشقك.
ليمسح دموعه ويلمس الزجاج لينجرح ليضحك… ليفتح قميصه ويمسك القلب بقوه ويفعل شيئا لو راه أحدا لظنه