جسدها وهيا تبكي فكل ذلك كثير عليها. فهمس بحبك والله بحبك.. ليأكلها عقلها…. حب ايه انت اتجننتي واحد جاي بعد ماذلك يقلك حب. مش من شويه كان بيعايرك بقله شرفك وتقعدي زي الكلبه وجاي يتبجح انت هبله لما سمع كلامك صعبتي عليه انت ازاي هتصدقي تستحملي شفقته عليكي فوقي لنفسك انت واحده شفتي كتير وقلبك مات ماتنفعيش لحد هيعمل بيكي ايه ماعداش يوم علي معايرته تقومي تعملي كده وتنامي في حضنه لتنهر نفسها ثم بعدته بعنف وهو يحاول ان يهدئها.
فصرخت… ابعد ابعد بقه انت ايه يا اخي عايز مني ايه سيبني بحالي وباللي فيا مش عايزاك ولا محتجاك ولا محتاجه شفقتك يلا من هنا بقه واحترمني شويه وراعي حالتي حب ايه وزفت ايه انا لا عايزه حب ولا عاد ليا احب يلا قوم وبدات تدفعه بهستيريه وتتشنج ليبتعد نظرا لحالتها فكانت منهاره.
فهتف خائفا…. طب اهدي انت عامله كده ليه والله يا قلبي بحبك وحاله ايه مالك بس انت قمر اهوه وقلبي هيموت عليكي.
فصرخت.. اخرج يا جواد وسيبني بحالي انت خرجت من دنيتي ومش هترجع تاني خلصنا اتفضل يلا..
تنهد وجلس امامها فصرخت.. بقلك امشي انت هتقعد.
فهتف مبتسما… ماهو لازم تهدي عشان انا مش همشي ولا هتعتع من هنا ونتكلم كده بهدوء وعقل..
نظرت اليه بغضب… انا مافيش بيني وبينك كلام ومن فضلك بقه ارمي عليا اليمين وراعي اللي انا فيه. كفايه وجع وبهدله لحد كده.
هنا انفجر ضاحكا… يمين ايه يا قلب جواد هو انا كت عملت بيه لما ارميه ماتعقلي كده. اسمعي انت مراتي وعارف انك تعبانه وموجوعه بس انت مراتي ومش بعد اللي سمعته اسيبك لو علي روحي.