هوي قلبه وشعر بقهر ولكنه ابتسم بحب….. حاضر يا قلبي اللي تامري بيه.
وما ان ابتعد قليلا حتي تأوهت مره اخري فاقترب واحتضنها بخوف…. لا والنبي مش قادر ابعد خايف طيب.. والله لحد ماتخفي بس. قلبي مخلوع كده يا عمري تموتيني كده روحي كانت هتطلع
تأوهت وتحركت بعيدا نظر اليها قائلا… اهدي جرحك لسه طري اهدي يا عمري بالله عليكي واعملي ما بدالك جواد تحت رجلك والله ما هنطق.
نظرت اليه ببلاهه واستنكار ابتسم هو هامسا… عارف بتبصيلي كده ليه ارتاحي بس ونتكلم بعدين..
هتفت متعبه… مفيش بينا كلام خلاص ثم اشاحت وجهها ونامت مره اخري متعبه.
اقترب منها واحتضنها….. لا يا عمري دا فيه وفيه وفيه.. فيه جواد اللي بيعشق حبيبه فيه جواد اللي هينحت في الصخر عشان يراضي حبيبه فيه عشقي اللي زاد وطفح ومش عارف اروح بيه فين. يا رب اهديهالي.
مرت الايام وهيا تستفيق وتنام وتبدا في استعاده صحتها وهو يلتصق بها كجلدها وهيا لا تنظر اليه ولا تقبل منه كلام وهو يصبر ويبتسم لياتي يوم خروجهم استيقظت ووجدته محتضنا اياها صرخت وحاولت ان تبعده استفاق مفزوعا.. ايه يا قلبي بيكي ايه يا عمري..
احست بالوجع من نبره صوته فدفعته وابتعدت بجسدها العلوي وصرخت….. انت بتعمل ايه قوم من جنبي انت اتجننت..
تنهد وابتسم.. هكون بعمل ايه يا قلب جواد نايم جنب مراتي فيها ايه دي.
صرخت غاضبه… بقلك ايه اتلم وقوم من جنبي بدل ما اطين عيشتك انت ايه قله ادبك دي هو عشان تعبانه تستحلاها.
ضحك وشدها اليه.. قله ادب ايه يا شيخه مالقمر نايم اهوه لابس كل الحاجات داحنا حتي في مستشفي مفيش فتفوته راحت علي الاقل دلوقتي.