لتهتف بغضب… والله مش عاجبك صرمحتي طلقني.. لتقترب منه.. ماتخليك راجل وتطلقني طالما انا زباله قوي كده.
ليمسكها من رقبتها بعنف… عشان تروحيله صح..
لتضحك.. هتفرق معاك يعني.. لتخبط علي قلبه مش ده مات هاه والا لسه بيدق يا جواد.
ليصرخ فيها… مات وشبع موت يا سهيله.
لتقترب تلتصق به.. انت صعبان عليا دماغك راكبها شيطان انا جوا قلبك ومش شايف غير الشيطان اللي ماسكه. لتضع يدها علي قلبه انا هنا يا جواد ومش هطلع وتصرفاتك كلها بتقول كده. بجد صعبان عليا.
ليهتف… انت مالكيش قيمه اصلا عشان تكملي جوايا انا رميتك عشان رخيصه وقريب قوي هرميكي بره حياتي بعد ماكون خدت حقي
لتنظر اليه وتقترب وتبتسم بحنان.. مستنيه اليوم اللي هتقدر علي قلبك وترميني..
لتضحك…. انت ماتقدرش ترميني.. كنت قتلتني لما شفتني معاه بس عارف ليه.. عشان سهيله مكلبشه جوا وبتعذبك وانت بتموت جواك حاولت كتير اخليك تخف من اللي انت فيه بس انت كل اللي انت فيه ده اختيارك.
ليهتف باحتقار.. دا علي اساس كان هعمل حاجه تاني مثلا.. اختار قربك مثلا يا شيخه بقه بلاش قرف.
لتضحك.. انت مش قادر اصلا علي اختيارك يا جواد مش قادر تختار البعد بس بتشرخ قلبك ومع كل تشريخه بتجيب قلبي معاك لحد ما أخرتها واحد فينا هيموت التاني. حبنا اتملك مننا يا جواد بس انا مدركه للحب ده.
ليصرخ…. بطلي كدب.
لتهتف… حاضر هبطل كدب وانت كمان بطل كدب. بطل تكدب انك مش عايزني بطل تكدب اني مش فارقه معاك بطل تكدب انك هتخرجني من حياتك لأنك مش هتقدر.. لتقترب وتمسك يده وتهتف تعالي اقلك ليه.. لتضعها علي
قلبها وتضع يدها علي قلبه.. شوف حاسس حاسس بايه يا جواد.. حاسس بقلبي بيصرخ وانا حاسه بيك وقلبي بيصرخ علي قلبك لأنك موجوع وبتوجع سامع دقاته هتقدر تتحمل ماتسمع دقاته يا جواد.