ماتحن عالبت يخربيت عيشتك شوف غلبانه ازاي ورقيقه وقمر والله قمر طب ايه هنفضل كده ماتتعدل بقه بدل مالبت تقول لاختها وامها وتجي امنا الغوله تطبق في رقبتك تاخدها منك.. ليهتف يادي المصيبه يا حزنك يا حمزه لو سهيله عرفت اللي حصل هتشقك نصين ماهي مستنيالك غلطه منك لله يا كريم حولتها بقت غوله بتعض في خلق الله.. دا حبيبي قمر وغلبان يتاكل اكل اهمد بقه ولم نفسك وبطل تاكل فيها انت عايزها وهيا اتوجعت.. طب ايه اعمل ايه اقرب واثق فيها والا اهبب ايه هيا صحيح اتصرفت زباله وتستحق قطم رقبتها بس لجأتلك كانت عملتك راجلها وانت هنتها وسودت عيشتها هتكمل كده يا حمزه هتعرف.. ليتنهد ويقوم ليجلس
معهم ليمر الوقت وسهيلة قلقانه علي رودينه وحمزه يبذل جهده لكي يدلع رودينه امامهم كاي زوجين سعيدين لينصرفا اخيرا ويعود حمزه ويجلس معها لتهتف ممكن يا حمزه تدخلني جوا.
ليهتف… ليه بدري كده لسه ماتقعدي شويه نسهر.
لتهتف… لا انا تعبتك انهارده اريحك مني شويه
ليقترب منها ويهتف بحنان… انا مابتعبش منك يا رودي انا لو اخدمك العمر كله
لتنظر اليه بحب لتهتف.. كتر خيرك يا حَمزه بس مش عايزه اضايقك ولا حد يكلمك كلمه وحشه.
ليتنهد… قصدك امي انا عارف انها مابتعرفش تسكت وانا مابسكتلهاش يا رودينه والله
لتهتف بخجل… لا ماتسكتلهاش ايه عيب دي مامتك.
ليمسك يدها…. انت ازاي طيبه كده