لتهمس…. انا بحبه يا ماما وهو شافني في حضن الزباله ده من غير هدَومي عارفه انه موجوع بس انا حلفتله يا ماما عالمصحف انا هموت عليه قلبي هيموتني طردني بره حياته هموت.
لتحتضنها امها وتهتف.. طب اهدي.. هو لو بيحبك بجد هيفكر ويعرف انك مظلومه يا حبيبتي اهدي واصبري لحد ما غضبه يروح وطالما بتحبو بعض كل حاجه هتتحل انما الزباله اللي اسمه كريم ده ماهسكتلوش تاني انا هقول لجدك علي كل حاجه.
لتهتف سهيله.. لا يا ماما والنبي جدي تعبان انا خايفه عليه بس انا عايزه امشي من هنا اسافر اروح اي حته.
لتهتف امينه…. تسافري فين يا قلب امك.
لتهتف… ماعرفش بس عايزه ابعد يا ماما لو فضلت هروح لجواد واذل نفسي ماقدرش ابقي جنبه ومارحلوش انا هموت عليه انا تعبت مش مكتوبلي فرح اشمعني انا ليه يا رب استغفر الله قلبي بيوجعني
لتحتضنها امها وتهتف.. اهدي حبيبتي كل حاجه هتتحل والحب ده اكيد مش هيروح ولو عايزاني اروحله اروحله واعرفه ان بنتي ماتعملش كده.
لتهتف… لا يا امي استحاله احطك في موقف زي ده انت عاليه اوي مانذلش نفسنا اه بحبه بس هو اختار يبعد وسابني مش عافيه هيا ربنا يهدي قلبي الموجوع ويصبرني علي بعده..
لتقبلها امها وتتركها لتظل فتره لا تعلم ماذا تفعل بوجعها لتقوم وتحضر تليفون اخر قديم وتضع فيه خط معها اخر وتسمي الخط باسم حبيبها ليظهر لها في الرسايل باسم جواد وتضع صورته لتظل تتلمس تليفونها لفتره
وكتبت عالتليفون من الخارج اسم حبيبها وظلت تقبله وتضعه في احضانها كانها تقبل حبيبها وتبدا في بعث رسائل لذلك الفون تبث فيه عشقها له وتحاول ان تجعله يحس بها وبمشاعرها كانت تبعث رسائل صوتيه وتنتحب والحب يمزقها لتبدا في بث شكواها له لتبعث اول رساله له.. عارفه انك موجوع يا قلبي عارفه انك تعبان واللي شفته وجعك بس والله مظلومه دنيتي وقفت بروحتك وببكيك بدموع عيوني والله مظلومه قلبي هينشق في بعدك كنت فاكره اني قويه طلعت ضعيفه اوي مش مصدقه اني دي.. انا بموت يا نن عيوني هفضل مراتك نفسي اموت دلوقتي وافضل مراتك املي اني لو ربنا اراد ابقي مراتك في الجنه والله بعشقك