فضلت قاعده بس مش زباله ولا رخيصه يا حمزه لتهتف.. انت اتجوزتني بغرض تقفل عالفضيحه اللي بصراحه مش حاساها ممكن يكون ليك حق بس انا بقلك اهوه كتر خيرك عالستر اللي سترتهولي وانقذتني يا حمزه من فضيحه فعلا بس انا مش سبب فيها غلطت اه بس ماسعيتلهاش.. وعموما انا مش عايزاك تكمل في ام الجوازه ولا تنقهر من اصله كلها كام شهر ونطلق وكل واحد يروح لحاله خلاص يا حمزه خلصت علي كده.. .. انت حر يا حمزه اعمل اللي تشوفه ليك مناسب وقامت وتركته غارقا في أفكاره.
يتبع….
دخلت رودينه حجرتها وانفجرت في البكاء فحمزه رغم حبه لها ظن فيها السوء كانت قد اخطأت ولكنها لم تجرم في حق عائلتها لتجلس وحيده في ليله تمنت ان تكون بين احضان حبيبها.. لتجلس والقهر يتلبسها لتظل قابعه لفتره لا تعرف ماذا تفعل.
لتهمس…. طب ايه بعد ما بقيت مراته وعارفه حبه اسيبه يبعد كده ويبعدني عنه و هو بيحبني. بس زمانه موجوع من اللي شافه طيب اعمل ايه لو قعدت اراضيه هيتفرعن ما هو طبعه زفت وطايح بس بحبه وبيحبني اه غلطت بس اعمل ايه لما كت ضعيفه كان طايح ولما استقويت عليه حفي ورايا اعمل ايه اسيبه ماقدرش بحبه وبموت فيه. كده يا حمزه توجعني كده وانا والله ماعملت حاجه وحشه اهون عليك.. يا رب ليله فرحي علي واحد بعشقه يوجعني كده.. لتتنهد وتصمت.. طب ايه يا رودي هتسيبه ينطحك ودماغه زباله معششه كده مش هستحمل.. لتظل تفكر طويلا.. لتلمع عينها وتهتف.. لا يا حمزه مش رودينه اللي تسيبك لنفسك كده وتبقي
هبله مش انت دماغك حجر انا بقه دماغي حجرين وهتشوف رودينه هتعمل ايه كانت تقف بفستانها تدَور وتدور لتشد همتها وتخرج مره اخره كانت قد خلعت طرحتها لينسدل شعرها وخرجت الي الحمام لتمر من امامه وهو يراقبها لتدخل وترزع الحمام أمامه.
ليقطب جبينه.. ايه يا حمزه مش دي اللي هتموت عليها وليله فرحك تطينها كده مانت دخلت لقيتها مسورقه بين ايديه الواطي وهيا استنجدت بيك يبقي هيا صادقه وهو اللي زباله ماتعقل كده انت بتعشقها وسمعتها