فرودينه كرهت نفسها وكرهت كونها انثي من الاساس لتتحول رودينه الي شخص بارد لا يحس ولا يصدر رده فعل.. تجمدت رودينه وقتلت تلك الطفله المشعه ليحل محلها شخص يسعي لنفسه فقط.. قررت ان تعلو وتعلو وتخطط لحياتها قررت ان تكبر مثل اختها حتي لا توصم انها تربيه ست وليس عيب ولكنها ارادت ان تثبت ذلك وفي عقر دار من نعتوها بذلك.
لياتي يوم كانت استعادت وعيها لتقوم وتلبس قميصا ضيقا وجيب قصير كانت تظهر بمظهر الانثي الفاتنه ولكن لن يصل اليها احد لتعمي الجميع بمنظرها ويتمنونها ولكن هيا ستخطو عليهم جميعا. لتخرج لتبهت سهيله..
ايه يا رودي لبسك ده..
لتنظر اليها رودينه ساخره. ماله يا سو وحشه. دانا حتي قمر ومافيش زي وظلت تدور تستعرض جسدها.
لتهتف سهيله… بت انت اتعدلي مالك معوجه كده.
لتقترب من اختها وتبتسم وتقول.. لا قولي معدوله يا اختي.. رودينه اتعدلت وهتاخد حقها من الدنيا.. مش هما بيقولو تربيه مره وبنجري عالفلوس.. انا بقه هكبر واكبر واوريهم تربيه المره شكلها ايه. ان كان عاللبس.. انا سعيده كده.. اللي يقدر يبصلي يبص بس اللي يهوب افلقه نصين.. اطمني اختك كبرت يا قلب اختك زي مانت كبرتي زمان..
انا و انت ماعدناش عايزين حد.. واه انا هكلم جدي عالخطوبه تتفك وتترمي في الزباله.
لتهتف سهيله… رودي بس الله يخليكي انا مش ناقصه امك ماصدقنا انها تبقي كويسه مش ناقصين جدك يجراله حاجه.
لتهتف رودينه… والله انت حره انا عن نفسي ماهرتبطش بالواد اللي تحت ده دقيقه..
لتستدير وسهيله تشعر بالقهر من تغير اختها لتنزل وتدخل الي بيت جدها لتجد عَمها وحمزه جالسون وَمعهم فتحيه والجده.