اول ما رفع وشه و شفها اتصدم مكنش قادر يرد عليها قرب منها ومسك ايدها
فهد بصدمه : نور انتي لسه عايشه ازايي
اتخضت اسيل لما قرب منها و من طريقته واتصدمت وسحبت ايدها بتوتر: نور مين حضرتك اكيد اتلغبط
ومشيت وسابته في صدمه
اسر: ف ايه يا فهد مالك
فهد: نور كانت هنا
اسيل كانت بتفكر ف الشخص ده نور مين وازاي اتصدم كده لما شافني هو انا خماري بايظ طيب وبصت ف المرايا عشان تشوف شكلها لا ما انا قمر اهو امال ماله الحج اللي تحت ده
وقف الاسنسير ونزلت اسيل منه جريت عليها حور
حور وهي بتاخد نفسها: مستر احمد عيزك
اسيل: هو انا هربانه من الحصه ولا ايه ما انا جايه هو مش مستني ليه
حور: علشان دي مش اول مره حضرتك تتإخري فيها وفي اجتماع مهم
اسيل نفخت بملل وراحت ع مكتبها تجهز ورق الصفقه اللي كانت سهرانه عليه امبارح
خلصت اسيل ودخلت مكتب احمد واول ما دخلت المكتب
السلام عليكم بصت بصدمه من الشخص اللي قاعد قدمها