يونس : ها إيه رأيك يا عم صابر إيه رأيك
صابر بأبتسامه : والله يا حبيبي أنا معنديش مانع ولا انا ولا جدها شوفها هي
يونس بثقه: متقلقش أنا هخليها توافق
ايمن بينده علي يونس : يونس يونس
يونس ابتسم وقال لعم صابر : بعد اذنك يا عم صابر هشوف الزنان ده عايز إيه
صابر ابتسم : أتفضل يا حبيبي
يونس قام وراح لايمن
ايمن قاله علي حاجه صدمت يونس
عند ياسمين كانت قاعدة علي السرير بتاعها بالتليفون بتاعها باب اوضتها خبط
ياسمين : أتفضل
الباب أتفتح وكانت صفاء
ياسمين بصت ليها بهدوء : خير
صفاء باحراج : ممكن اتكلم معاكي شويه
ياسمين بصت ليها شويه وخدت نفسها : تعالي اتفضلي
صفاء قعدت قدامها وهى متوتره ومحروجه : أنا عارفه إنك مش طيقه تشوفي وشي بس انا والله مكنش ذنبي ماما إللي كانت بتملي دماغي من ناحيتك كانت دايما تقولي إنك هتاخدي مكانه البيت كلها وانك هتبقى الكل في الكل وهتشغليني خدامه عندك انا بقى زي ما تقولي الدم غلي في عروقي انه إزاي بعد مانا
رواية حبيبي الشبح كاملة جميع الفصول
كنت البنت الدلوعه هنا هبقى الخدامه لحتة بت فضلت ماما تقول كلام تخليني اكرهك علشان كده كنت بحاول اذيكي باي طريقه وعملتها لما زقيتك من علي السلم وكنت ناويه كمان انتقم منك لما ضربتيني بس كلام جدي فوقني من ناحيتك وخلاني خلاص مش عايز أعمل حاجه معاكي تآني فبتمني إنك تسامحيني يا ياسمين
ياسمين بصتلها شويه وبعدين قالت : بصي يا صفاء أنا مكنتش عايزه كل إللي حصل ده يحصل بس آنتي إللي اضطرتيني