آيه بتفتح وخدت الفلوس ولسه طالعه وقفها صوت ادهم
: عندك كام محاضره النهارده
آيه: اتنين
ادهم: تخلصي وتجيني علي المعرض(ادهم عنده معرض عربيات)…. آيه هزت راسها وطلعت
……
ام حور: خدي بالك من جوزك وحماتك يا حبيبتي
حور هزت راسها
امها: طاب يا حبيبتي اسيباك انا دلوقتي
حور مسكت فيها: لا خليكي يا امي
امها بحنيه: متخفيش يا حبيبتي.. هوصي ايهاب عليكي… حور بصتله بدموع وامها نزلت.. قابلت ايهاب طالع
ام حور: خد بالك منها يا ابني
ايهاب مكنش عارف يرد هو تعامله مع الستات محدود جدا
هز راسها: حاضر… ايهاب سابها وطلع لقي حور قاعده علي السرير بتعيط
ايهاب تمتم بضيق
: انا كان مالي ومال الصنف دا ما كنت قاعد مرتاح… كمل بصوت عالي لحور
: مالك
حور مردتش وصوت عياطها زاد
ايهاب بضيق قفل ضرفة الدولاب الي كان فتحه
وبحده: متردي هو انا هتحايل عليكي علشان تطلعي الكلام
حور صوتها اتخنق وهي بتعيط بزياده