ادهم شال الصنيه بعيد ورجع نام علي السرير وخدها في حضنه
….
تاني يوم نوسه و نسمه قعدين في الحوش بيقورو محشي
نسمه: اصلك انتي متعرفيش امينه دي من زمان وهي حاطه عينها علي عباس… بس اسكتلها… بعد جوزانا باسبوع جايه تتمايص عليه رحت عطياها العلقة
التمام من سعتها و معرفش عنها حاجه غير انها اتجوزت.. وهو زي مسمعت من الست الي كانت قاعده معانا من شويه رجعت اطلقت تاني…. علشان كدا انا مبتقهاش
نوسه ضحكت: دا انتي اول ما المرا قلتلك نزلتي عليها حجاره من السماء
نسمه: امااااال… وبعدين بيني وبينك البت دي مايصه ومن صغري و مبحبهاش
نوسه: لا المرادي هتخاف تهوب نحيت هنا… دا احنا ناكلها
نسمه ضحكت: طاب هو ادهم بيحب المحشي يعنى ولا نعمله حاجه تاني
نوسه: ادهم بيموت في حاجه اسمها محشي
نسمه: و عبدالرحمن وايهاب
هنا دخل عبدالرحمن وباس راس امه
:
حرام كدا يا ماما يعنى انتي هاريه مراتي في المطبخ من الصبح… ومرات ادهم و ايهاب لا
نسمه: مرات ادهم في الكليه وربنا يعينها المشوار لوحده يتعب… و مرات ايهاب تعبت وطلعت ترتاح شويه
هنا دخلت آيه وبصوت عالي من علي الباب
: خااااااااالتي جعااااااااانه