ايهاب: لا مش جعان خليكي… ايهاب ركز علي شاشه التلفزيون… عبدالرحمن قاعد واخد شمس في حضنه والجد في اوضته حور قاعده في كرسي منفصل شويه.
جميله عدت وهي شايله العصير الي طلبوه وقدمت العصير للكل وابتسمت لايهاب وهي بتدهوله
جات قدام حور وعملت نفسها بتقع والكل قام عليها بخضه
جميله بمسكنه: كدا يا هانم مش تحاسبي
حور بزهول: انا.
جميله: ايوه ما انتي حاطه رجلك في الطريق
حور: بس انا رجليا كانت علي الكرسي
عباس: يمكن كنتي منزله و موخداش بالك يا بنتي بس حصل خير
حور: لا يا عمي مكنتش منزلها والله
ايهاب: خلاص يا جميله محصلش حاجه وانتي يا حور
حور بدموع: لا مش خلاص والبت دي كدابه
ايهاب بضيق: قولت خلاص يبقا خلاص
حور بصوت عالي: انت مصدقها و مكدبني انا
قلم نزل علي وشها قدام الكل حور حتط ايدها علي خدها وبصتله بكره وطلعت
عبدالرحمن بضيق: اي الي انت عملته دا
ايهاب بغضب: انت مش شيفها واقفه تبجح قدام تلات رجاله ومش هممها حد
عبدالرحمن: بس هي معاها حق علي فكره وكانت رافعه رجليها علي الكرسي… عبدالرحمن سابه ومشي وشمس طلعت معاه