نظر لها لوهلة و صمت… أشارت رغد بيدها لعروق آسر
* كده دمها بيجري جواك… يعني هي تبقى مراتك و شريكة حياتك كمان بقا بينكم صلة دم… حاجة آخر كريتيڤ…
ابتسم آسر ابتسامة خفيفة… نظر ل رغد و قال
close
” هي فين ؟
* مين ؟
” مراتي… قصدي رنا… رنا فين ؟
ابتسمت رغد و قالت
* نزلت للصيدلية تشتري أدويتك… كام دقيقة كده و هتيجي…
طُرق الباب ف قالت رغد
* عدت الدقايق… اهي جات…
فتحت رغد الباب… دخلت رنا وضعت كيس الأدوية على الطاولة… قالت رغد
* يلهوي يا بطني…
‘ مالك ؟
* مش عارفة يا رنا… شكلي كده تقلت جامد في الفطار… هروح الحمام…
‘ ماشي روحي… لو احتجتي حاجة اتصلي عليا…
* ماشي يا سكر…