‘ كنت بدور على وظيفة…
” ليه ؟
‘ ليه !! و كمان بتسأل ؟! هتعمل نفسك من بنها و مش عارف بس انا هقولك… كنت بدور على وظيفة عشان اخرج
انا و اخويا من البيت و تطلقني…
” مفيش طلاق يا رنا… هتفضلي هنا…
‘ لا همشي و هتطلقني…
” طب لقيتي وظيفة ؟
‘ لا ملقتش… بس هدور تاني و تالت و رابع لغاية ما اطلع من تحت تحكمك فيا بسبب علاج ياسين…
” بصي انا سايبك تقولي اللي انتي عيزاه و ساكت و بعمل نفسي مش سامع حاجة… لكن انتي كل مرة بتتمادي
اكتر من الأول… انا مش سا*جنك ولا بتحكم فيكي… طالما مفكرة ان بعالج ياسين على حسابي بسبب انك مراتي تبقي غلطانة… انا بساعده في علاجه لاني بحبك !!
‘ بس انا مش بحبك…
” كذابة و بتضحكي على نفسك… انتي هتو*لعي من جوه و من بره كمان بعد ما عرفتي انك مش أول بنت احبها… مش قادرة تتقبلي اني كنت متجوز قبل كده…
‘ و مش هتقبل… تعرف ليه ؟ لو كنت قولتلي قبل ما تتجوزني انك كنت متجوز… مكنتش هوافق اتجوزك اطلاقًا…
” ايه السبب ؟
‘ لاني مش انا البنت اللي تتجوزها عشان تنسى بيها الأولى…
” بس انا منستهاش بيكي… انا طلقتها من 3 سنين و نسيتها فورًا…