” انتي مالك !!
‘ ايه اللي انا مالي دي… يا بني آدم افهم… هم كنا خايفين عليك و قلبهم هيتقطع من القلق عليك… ده ذنبهم يعني ف تقوم تكلمهم كده ؟
close
” يا ستي ايوة انا قليل الادب… انت مالك برضو ؟
‘ انت فعلا قليل الادب و متربتش كمان…
” حصل… حاجة تاني ؟
‘ انت ازاي كده ؟ الواحد بيتمنى انه يبقى وسط عيلته و يتحامى في ظلهم و يحضنهم… انت عندك عيلة و بيحبوك كمان تقوم تعمل معاهم كده ؟
” انا مبحبهمش… و مطلبتش منهم يحبوني…
‘ ولا تستاهل حبهم اصلا… انت قلبك أسود اوي مستاهلش ان حد يحبك اساسا…
” ايوة انا قلبي أسود و حجر و قا*سي كمان… عندك حاجة تانية عايزة تقوليها يا ام قلب أبيض انتي ؟
‘ الغلط على اللي يتكلم معاك كلمة أساسا…
” و مطلبتش منك تتكلمي معايا… بصي انا مصدع… بطلي رغي و اتخمدي احسن…