حد ينضف ليه كان بيمرمط مراته؟؟
لكن كان ظاهر العكس ليها..
على جانب تاني في بيت رضا وبثينة..
أول ما دخل من باب البيت بدأ يزعق – اسمعي اللي هقوله دا كويس، نزول تحت تاني مفيش لا عشان تنضيف أو غيره أنتِ هنا ملكيش إلا بيتك، معتش ليكِ دعوة بأي حاجة غير بيتِك فاهمة؟
ابتسمت بثينة بسعادة، شايفة إن كلام باسل جه لصالحها هي!
(تاني يوم)..
كانت حورية بتكنس سلالم البيت، رغم إنه يوم بثينة لكن لما هي اتأخرت محبتش يحصل مشاكل وكنسته هي.
رواية بيت العيلةكاملة جميع الفصول
خلصت كنيس قصاد بيتها ونزلت لحد بيت بثينة وبدأت تكنس عادي…
باب البيت اتفتح…
خرجت بثينة…
– سايبة قصاد شقتي ليه يا حورية، منطقة محرمة يختي؟
بصتلها بتفاجئ – منا كانسة قدامك أهو! في إي يا بثينة هي أي مشاكل وخلاص!
شهقت – أنا بتاعة مشاكل؟ طب لِمي نفسِك بقى عشان ملمكيش.
حورية عينها وسعت من كلامها واتكلمت بحِدة – اتكلمي كويس لو سمحتِ ومتغلطيش، أنا معملتش حاجة لكل دا!