عدى بعدها أسبوع كانت الأجواء شبه كويسة، أبو وأم باسل مستحملين عدم مشاركة حورية في أي أمر من أمور البيت بسبب وقعتها، بسنت وبثينة هاديين ومفيش جديد حصل معاهم وكذلك الأمر مع ازواجهم.
واقفة حورية في المطبخ بتعمل أكل عشان تنزله لبيت حماها وحماتها تحت (بدل ما تنزل تطبخ تحت)، باسل في الشغل وكذلك رضا أخوه.
صوت صرخة بسنت اللي جت من تحت خلاها تسيب اللي في إيدها وتنزل جَري عشان تشوف في إي، وقفت على السلم فجأة إيدها على بُقها من صدمة اللي شافته….
ياسر جوز بسنت بيجرجرها برة العمارة كلها، أبوه متابع من غير ما يعمل حاجة، أمه بتحاول توقفه وهي ثابتة مكانها، وأخيرًا بسنت اللي كانت منهارة وبتترجاه “يسيبها تلبس حاجة عليها بعدين تمشي من نفسها”..!!
يتبع….
ياسر جوز بسنت بيجرجرها برة العمارة كلها، أبوه متابع من غير ما يعمل حاجة، أمه بتحاول توقفه وهي ثابتة مكانها، وأخيرًا بسنت اللي كانت منهارة وبتترجاه “يسيبها تلبس حاجة عليها بعدين تمشي من نفسها”..!!!
اتحركت حورية من مكانها لما لقت إن مفيش حد هاين عليه يروح يشيلها من تحت إيده، وقفت قصاده وقالت