إبتسمت وقالت : بس لو..لو حبينا بعض أو لو حبني هنكون كويسين مع بعض أكيد وهشوف منو حنية وإهتمام وحب
إفتكرت الدموع اللي كانت في عينيه وقالت : بس هو بيحب زهرة ومستحيل يفكر فيا ، بس أنا كمان مش هفكر فيه
سمعت صوت حد بيقول : بس بتفكري فيا أنا يا روح قلبي مش كدة ؟
نزلت إيديها وإتخضت وبصِت قدامها لقِت واحد واقف علي باب الحمام ولابس قناع إسود علي وشو مش باين منو غير عينيه وبوقو وماسك سك”ينة في إيديه ، رقعت بالص”وت و ….
يتبع…
رقعت بالص”وت و فتحت الباب وطلعت تجري بس الشخص جري وراها ومسكها من شعرها علي السلم
صو”تت وقالت : إنت مين وعايز مني إيه
قبل ما يرجع بيها أوضتها طلع داغر من أوضة المكتب وقال بِصوت عالي : ريناد
بصِت ريناد لِداغر وهي بتعيط وبتقولو : إلحقني يا داغر
كان داغر بيقرب بِحذر وقال : متقر”بلهاش وهديلك اللي إنت عاوزو
إتكلم الشخص وهو ماسك ريناد من شعرها وحاطت السك”ينه علي رقبتها وقال : أه إنت بقا داغر الفارس
كمل كلامو بِسخرية وقال : أومال فين حصانك الأبيض بقا
إتكلم داغر بإستغراب : إنت عارفني بقا
ضحك الشخص وقال : عز المعرفة
إتكلم داغر وهو بيطلع علي السلم : طب أنا قدامك لو عايزني لكن هي ملهاش ذنب سيبها