خبط بِكف إيديه علي جبينو وقال : تاني
دخل الفيلا شاف أسماء قاعدة في الصالون ، قرب عليها وقالها : مالها منال ؟
أسماء بِحزن : باين عليها أغمي عليها من السكر تاني يا داغر حاولنا نفوق فيها مفاقتش خالص طلبنا الإسعاف
وراحو معاها إتنين من الخدامين
قعد جمبها وقال : إن شاء الله هتكون كويسه
بصِت أسماء علي شكل داغر وقالت : عملت إيه
رجع داغر راسو لِورا وسند علي ضهر كنبة الأنتاريه وقال : قرينا الفاتحة
مسكت دقنو بأطراف صوابعها وخليتو يبصلها وقالت : الحياه مش هتقف علي واحدة ، ومكانش فيه ما بينكم علاقة حب ، عود نفسك متحبش حد من طرف واحد لإنو مُتعب ومؤذي بطريقه غبيه يا داغر ، وأنا مش مستعدة
أشوف إبني مك_سور أو حزين بسبب الحب
حط راسو علي رجليها وقال بِحزن : مش عارف محبتنيش ليه ، مع إني معاها من يوم ما عمي ما”ت مسيبتهاش لحظة ومن قبلها كمان وكنت كل خطوة معاها وساندها دايماً ، ليه محبتنيش ، هو أنا وحش ؟
أسماء كانت بتمشي إيديها فِشعرو وبتسمعو ولما سكت قالت : الحب مش بيستأذن حد يا داغر ، وبعدين إحنا منقدرش نلومها علي حاجة قلبها مال لِلي إتقدملها ، النصيب متشالك مع غيرها