=برافو يا أيسل إنك واجهتى، بس المواجهه دى كانت غلط، طالما مش فى إطار الشقة بتاعتنا دى حاجه غلط، انتِ دخلتِ بيت شخص تانى. وممكن كان الشخص دا لقدر الله وحش يأذينا.
_عارفة ياماما انا مغلطتش،انتِ قولت لى ان مفيش حد ساكن فى البيت، عشان كدا كنت فاكره ان دا كمان من
close
نفس إطار بيتنا.. سورى يامامى سولى مش هتعمل كدا تانى.
“حضنتها وانا كلِ فخر بيها،وبقوتها وشجاعتها، ودماغها بإنها فكرت تاخد الموبايل وتحكى وتواجه، وفاهمه كل التنبيهات وحافظها”
=على فكرا بقا ماما مش بس هتحضن سولى، ماما فخورة جدا بيها وهتكافئها يلا أطلبى بس على شرط
_نو يامامى المكافأه مفهاش شروط دى اتفاقاتنا، عشان كدا هنطلب آكل من برا من المطعم اللى بحبه ، عشان عارفه انه شرط مفيش آكل من برا
“بصيت لها وضحكت بصوت عالى”
=ذكية ولماحة
_زى مامتى غرام القمر.